Border News Agency
အင်ဒိုနီးရှား၊ ဩဂုတ် ၁၅။
အင်ဒိုနီးရှားနိုင်ငံ၊ အရှေ့ပိုင်းဖလောရက်စ်ဒေသအနီးမှာ ဩဂုတ်လ ၁၅ ရက်၊မနက်အစောပိုင်း ၅ နာရီ ၅၈ မိနစ်အချိန်ခန့်က ပြင်းအား ၇ ဒသမ ၇ မဂ္ဂနီကျုရှိ အနက်တိမ်ငလျင်တခုလှုပ်ခတ်သွားခဲ့ပါတယ်။
ငလျင်ရဲ့ဗဟိုချက်မှာ အန်းဒေးမြို့ရဲ့မြောက်ဘက် ၆၈ ကီလိုမီတာခန့်အကွာ ပင်လယ်ပြင်အတွင်း အနက် ၁၀ ကီလိုမီတာကို ဗဟိုပြုလှုပ်ခတ်ခဲ့တာဖြစ်ပြီး နောက်ဆက်တွဲငလျင်တွေအဖြစ် ပြင်းအား ၆ ဒသမ ၁ မဂ္ဂနီကျုရှိငလျင်အပါအဝင် နှစ်ကြိမ်ထပ်မံလှုပ်ခတ်ခဲ့တာပါ။
ငလျင်လှုပ်ခတ်မှုကြောင့် ပင်လယ်ရေကြောင်း ပြန်ဆုတ်သွားတဲ့လက္ခဏာတွေတွေ့ရှိခဲ့ရတာကြောင့် အာဏာပိုင်တွေကဆူနာမီသတိပေးချက်ထုတ်ပြန်ခဲ့တာကြောင့် ဒေသခံထောင်ပေါင်းများစွာ ကုန်းမြင့်ပိုင်းသို့အရေးပေါ်ထွက်ပြေးတိမ်းရှောင်ခဲ့ကြပါတယ်။
အာဏာပိုင်တွေကဆူနာမီသတိပေးချက်ကို ပြန်လည်ရုပ်သိမ်းလိုက်ပြီဖြစ်ပြီး ရေလှိုင်းအမြင့် ၁၉ စင်တီမီတာမှ ၃၀ စင်တီမီတာအထိသာတွေ့ရှိခဲ့ရတယ်လို့ ဆိုပါတယ်။
အဲဒီငလျင်ကြောင့် ဆေးရုံတွေနဲ့အဆောက်အအုံအချို့ နံရံတွေ အက်ကွဲပျက်စီးမှုတွေရှိခဲ့ပေမယ့် လူထိခိုက်သေဆုံးမှုကိုတော့ လတ်တလောမတွေ့ရှိရသေးဘူးလို့လည်းပါတယ်။
