Border News Agency
ရွာတော်၊ သြဂုတ် ၂၀။
အာဏာသိမ်းစစ်တပ်ရဲ့နယ်ခြားစောင့်နဲ့ ရဲတပ်ဖွဲ့ဝင်တွေအပါအဝင် တဆယ့်လေးဦးဟာ သြဂုတ်လ ၁၉ ရက်နေ့ကဘင်္ဂလားဒေ့ရှ်နိုင်ငံကို ထွက်ပြေးသွားကြပါတယ်။
အဲဒီသူတွေဟာ ဘင်္ဂလားဒေ့ရှ်နိုင်ငံ၊စစ်တကောင်းဒေသ၊ရွာတော်ခရိုင်၊အလယ်ခတောင်နယ်စပ်ကို ထွက်ပြေးလာကြတာဖြစ်ပြီး ဘင်္ဂလားဒေ့ရှ်နယ်ခြားစောင့်တပ်(BGB)က ထိန်းသိမ်းထားပါတယ် ။
အဲဒီဘင်္ဂလားဒေ့ရှ်နိုင်ငံ၊စစ်တကောင်းဒေသ၊ရွာတော်ခရိုင်၊အလယ်ခတောင်နယ်စပ်ဟာ အာရက္ခတပ်တော်(AA)ထိ န်းသိမ်းထားတဲ့ မောင်တောမြို့နယ်မြောက်ပိုင်း၊ဗန္ဓုလနယ်စပ်အနီးဖြစ်ပါတယ်။
အဲဒီအာဏာသိမ်းစစ်တပ်တပ်ဖွဲ့ဝင်တွေဟာ ဗန္ဓုလနယ်ခြားစောင့်စခန်းက အာရက္ခတပ်တော်ဖမ်းဆီးထိန်းသိမ်းထားသူတွေဖြစ်နိုင်ပြီး အာရက္ခ-ဘင်္ဂလာနယ်စပ်ကိုဖြတ်ကာ ဘင်္ဂလားဒေ့ရှ်နိုင်ငံကိုထွက်ပြေးလွှတ်မြောက်သွားကြတာဖြစ်နိုင်တယ်လို့ မောင်တောဒေသခံတွေကဆိုကြပါတယ်။
အဲဒီမောင်တောမြို့နယ်သိမ်းတိုက်ပွဲတွေမှာ အာဏာသိမ်းစစ်သား၊နယ်ခြားစောင့်၊ရဲတပ်ဖွဲ့ဝင်ထောင်နဲ့ချီပြီး အာရက္ခတပ်တော်က ဖမ်းဆီးထိန်းသိမ်းထားပါတယ်။
အဲဒီစစ်သုံ့ပန်းတွေဟာ အခွင့်အရေးရချိန်တွေမှာ တဖက်ဘင်္ဂလားဒေ့ရှ်နိုင်ငံကို ထွက်ပြေးနေကြပါတယ်။
အဲဒီမောင်တောမြို့နယ်သိမ်းတိုက်ပွဲတွေမှာ အာဏာသိမ်းစစ်သား၊နယ်ခြားစောင့်၊ရဲတပ်ဖွဲ့ဝင် ရာနဲ့ချီပြီး ဘင်္ဂလားဒေ့ရှ်နိုင်ငံကို ထွက်ပြေးခဲ့ကြဖူးပါတယ်။
