Border News Agency
စစ်ကိုင်း၊ အောက်တိုဘာ ၈။
စစ်ကိုင်းတိုင်း၊ချောင်းဦးမြို့နယ်၊ပန်းလှဘုန်းကြီးကျောင်းကို အောက်တိုဘာလ ၈ ရက်၊ဒီနေ့ အာဏာသိမ်းစစ်တပ်လေကြောင်းတိုက်ခိုက်လို့ သံဃာတော်နှစ်ပါးဒဏ်ရာရသွားခဲ့ပါတယ်။
တံတားဦးလေတပ်ကတက်လာတဲ့ တိုက်လေယာဥ်တစီးဟာ ပန်းလှဘုန်းကြီးကျောင်းကို ရော့ကတ်တွေနဲ့ ငါးကြိမ်ခန့်ပစ်ခတ်ခဲ့သလို ပေါင်သုံးရာဗုံးနှစ်လုံးလည်းတိုက်ခိုက်ခဲ့တာပါ။
အဲဒီလိုတိုက်ခိုက်ခဲ့တာကြောင့် ရဟန်းနှစ်ပါးဒဏ်ရာရသွားခဲ့ပါတယ်။
အဲဒီအပြင် ကျောင်းဝင်းအတွင်းရှိ ဓမ္မာရုံနဲ့ကျောင်းဆောင်တွေလည်းပျက်စီးခဲ့ပြီး ကျောင်းတွင်းရှိ ပစ္စည်းတွေပါ အကုန်လုံးပျက်စီးသွားခဲ့ရပါတယ်။
အာဏာသိမ်းစစ်တပ်ဟာ တော်လှန်ရေးတပ်တွေထိန်းချုပ်နယ်မြေတွေရှိ အရပ်သားနေထိုင်ရာနေရာတွေ၊ဘုန်းကြီးကျောင်းတွေ၊စာသင်ကျောင်းတွေ၊ဆေးရုံတွေကို လေကြောင်းမှရွယ်ရည်ချက်ရှိရှိတိုက်ခိုက်နေတာဖြစ်ပါတယ်။
