Border News Agency
ဂျပန်၊ စက်တင်ဘာ ၂။
အာဏာသိမ်းစစ်တပ်နဲ့ ထိတွေ့ဆက်ဆံနေတဲ့ ထိုင်းအစိုးရရဲ့လုပ်ရပ်တွေကို ပင်ကထုတ်ပယ်ပြီးချက်ချင်းရပ်တန့်ပေးဖို့ ထိုင်းအစိုးရကို တောင်းဆိုသွားမှာဖြစ်တယ်လို့ ဒီဆန္ဒပြပွဲကို ဦးဆောင်တဲ့ NUG Support Team Japan ကထုတ်ပြန်ထားပါတယ်။
ဒီငြိမ်းချမ်းစွာ ဆန္ဒဖော်ထုတ်ပွဲကို စက်တင်ဘာ ၂ ရက်၊ဒီနေ့မှာ ဂျပန်နိုင်ငံ၊ တိုကျိုမြို့ရှိ ထိုင်းသံရုံးရှေ့မှာ ပြုလုပ်သွားမှာဖြစ်ပါတယ်။
ပြည်သူတွေကို နေ့စဉ်ဗုံးကြဲတိုက်ခိုက် အကြမ်းဖက်သတ်ဖြတ်နေတဲ့ စစ်အုပ်စုကိုထိုင်းအစိုးရက တရားဝင်ဆက်ဆံနေတာတွေရပ်တန့်ပြီး ဆက်ဆံရေးအခြေအနေတွေကို ပြန်လည်သုံးသပ်ပေးဖို့ တောင်းဆိုသွားမှာ ဖြစ်ပါတယ်။
ထိုင်းအစိုးရဟာ အာဆီယံဘုံသဘောတူညီချက်ငါးချက်ကိုသွေဖယ်ပြီး အာဏာသိမ်းစစ်တပ်နဲ့ သီးခြားတွေ့ဆုံတာ၊ စီးပွားရေးအရ ထိတွေ့ဆက်ဆံနေတာတွေဟာ စစ်အုပ်စုကို သံတမန်ရေးအရ အသိအမှတ်ပြုရာရောက်နေသလို စစ်ရာဇဝတ်မှုတွေပိုမိုကျူးလွန်နိုင်အောင် အားပေးရာရောက်တယ်လို့ဆိုပါတယ်။
ထိုင်းဝန်ကြီးချုပ်အနေနဲ့ အာဏာသိမ်းစစ်တပ်နဲ့ ထိတွေ့ဆက်ဆံတာမျိုး မလုပ်ဖို့ ဆန္ဒထုတ်ဖော် တောင်းဆိုသွားမှာဖြစ်လို့ ဂျပန်ရောက် မြန်မာပြည်သူတွေ ပူးပေါင်းပါဝင်ပေးကြဖို့ ဖိတ်ခေါ်ထားပါတယ်။
ဒီဆန္ဒထုတ်ဖော်ပွဲကို စက်တင်ဘာ ၂ ရက်၊ဒီနေ့ နေ့လည် ၃ နာရီခွဲမှ ၄ နာရီခွဲအထိ တိုကျိုမြို့၊ Shinagawa Ward ရှိ ထိုင်းသံရုံး (Royal Thai Embassy, Tokyo) ရှေ့မှာ ကျင်းပသွားမှာဖြစ်ပြီး အေးချမ်းစွာ ပူးပေါင်းပါဝင်ပေးကြဖို့တိုက်တွန်းထားပါတယ်။
