Border News Agency
ဆစ်ဒနီ၊ နိုဝင်ဘာ ၇။
ဩစတြေးလျနိုင်ငံ၊ဆစ်ဒနီမြို့မှာ ဒေါ်အောင်ဆန်းစုကြည်အပါအဝင် မတရားဖမ်းဆီးခံထားရတဲ့ နိုင်ငံရေးအကျဉ်းသားတွေ လွတ်မြောက်ရေးအတွက် FREE HER Campaign ကို နိုဝင်ဘာလ ၇ ရက်၊ ဒီနေ့မှာ Sydney Myanmar Community Organising က ဦးဆောင်ကျင်းပခဲ့ပါတယ်။
ဒီကမ်ပိန်းမှာ စာရေးဆရာမ မသီတာ (စမ်းချောင်း) နဲ့ ဩစတြေးလျ လွှတ်တော်အမတ်တွေ၊ လူ့အခွင့်အရေး လှုပ်ရှားသူတွေ ပါဝင်ဟောပြောခဲ့ကြပြီး အာဏာသိမ်းစစ်တပ်ကို တရားဝင်အစိုးရအဖြစ် အသိအမှတ်မပြုဖို့ နိုင်ငံတကာအသိုက်အဝန်းကို တိုက်တွန်းတောင်းဆိုခဲ့ကြပါတယ်။
ဟောပြောပွဲအပြီးမှာ တက်ရောက်လာကြတဲ့ မြန်မာ၊ တိဘက်နဲ့ ကာ့ဒ် အသိုက်အဝန်းတို့မှ လူအင်အား နှစ်ရာခန့်ဟာ Sydney Town Hall ကနေ Hyde Park သို့ ငြိမ်းချမ်းစွာ စုပေါင်းချီတက် ဆန္ဒပြခဲ့ကြတာ ဖြစ်ပါတယ်။
ဒါဟာ ပြီးခဲ့တဲ့ငါးနှစ်ကျော် ကာလအတွင်း ပထမဆုံးအကြိမ် ပြန်လည်ကျင်းပနိုင်ခဲ့တဲ့ လမ်းလျှောက်ဆန္ဒပြပွဲ ဖြစ်ပြီး ဆန္ဒပြသူတွေက နိုင်ငံရေးအကျဉ်းသားအားလုံး လွတ်မြောက်ရေးနဲ့ စစ်အာဏာရှင်စနစ် ဆန့်ကျင်ရေး ကြွေးကြော်သံတွေကို ဟစ်ကြွေးခဲ့ကြပါတယ်။
