Border News Agency
ကျောက်ဖြူ၊ ဇွန် ၁၂။
အာရက္ခတပ်တော်ကထိုးစစ်ဆင်တိုက် ခိုက်နေတဲ့ကျောက်ဖြူတိုက်ပွဲတွေမှာ စစ်ကောင်စီတပ်က ကြေးရေလေပူးပေါင်းခုခံကာကွယ်နေရတယ်လို့ စစ်ရေးသတင်းရင်းမြစ်တွေက ဆိုကြပါတယ်။
အာရက္ခတပ်တော်ရဲ့ထိုးစစ်ဆင်သိမ်းပိုက်မှုတွေဟာ ကျောက်ဖြူမြို့အနီးရှိအမှတ် ၃၂ ရဲတပ်ရင်းရဲ့ပြိုင်းစေ့ကေ့ကာကင်းထိရောက်ရှိနေပြီးလို့ ဆိုကြပါတယ်။
အဲဒါကြောင့် အမှတ် ၃၂ ရဲတပ်ရင်းမကျဖို့ ကြည်းရေလေပူးပေါင်းပြီးအသဲအသန်ခုခံနေတာဖြစ်သလို အမှတ် ၃၂ ရဲတပ်ရင်းကျသွားရင် ကျောက်ဖြူမြို့ကို အလွယ်တကူသိမ်းပိုက်နိုင်တယ်လို့
မြေပြင်စစ်ရေးသတင်းရင်းမြစ်တွေကဆိုကြပါတယ်။
အဲဒီကျောက်ဖြူတိုက်ပွဲတွေမှာ စစ်ကောင်စီတပ်က နည်းဗျူဟာမှူးအဆင့်အရာရှိကြီးတွေထိသေဆုံးနေကြသလိုတိုင်းစစ်ဦးစီးအဆင့်အရာရှိကြီးတွေလ ည်း ဖမ်းဆီးခံနေကြရပါတယ်။
အဲဒီကျောက်ဖြူမြို့နယ်မှာ စစ်ကောင် စီတပ်ရဲ့တပ်ရင်းတွေရှိပေမယ့် အမှတ်၃၂ ရဲတပ်ရင်းသာ အင်အားအများဆုံးနည်ဗျူဟာအကျဆုံးခံစစ်တပ်ရင်းဖြစ်တာမို့ စစ်ကောင်စီတပ်က လက်နက်၊ စစ်သည်၊ ပစ်ကူအင်အားအများဆုံးသုံးခုခံကာကွယ်နေတာလို့ ဆိုကြပါတယ်။
အဲဒီရဲတပ်ရင်းကျသွားရင် ကျန်တပ်ရ င်းတွေကို အလွယ်တကူသိမ်းပိုက်ရနိုင်ပေမယ့် ဓညဝတီရေတပ်ဌာနချုပ်ကိုတော့ အချိန်ယူတိုက်ခိုက်ရမယ်လို့ ဆိုကြပါတယ်။
အဲဒီဓညဝတီရေတပ်ဌာနချုပ်မှာလည်း ရေတပ်စစ်သင်္ဘောတွေအပြင် စစ်သ ည်အင်အားတထောင်ကျော်ထိဖြည့်တ င်းခံစစ်ပြင်ထားပြီး ရေတပ်စစ်သင်္ဘောကြီးတွေကိုလည်း ပစ်ကူစစ်ကူအတွက်စစ်သည်၊လက်နက်ဖြည့်တင်းထားတ ယ်လို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
”ဓညဝတီရေတပ်ဌာနချုပ်မှာအင်အားအများဆုံးပဲ။ တရုတ်အကျိုးစီးပွားကိုကာကွယ်ဖို့အတွက်လည်းပါတာပေါ့။ ကျောက်ဖြူနဲ့ရမ်းဗြဲကြားပင်လယ်ဝမှာရေငုပ်သင်္ဘောကိုအသင့်ပြင်ထားတယ်။ တိုက်ပွဲတွေမဖြစ်ခင်ကတည်းကဖြန့်ထားပြီးသား။ ရခိုင်မှာရေတပ်အင်အားအများဆုံးပဲ။” လို့ ကျောက်ဖြူမြို့နယ်ရှိ ဓညဝတီရေတပ်ဌာနချုပ်မှအရာရှိတဦးက Border News Agency ကို ပြောပါတယ်။
စစ်ကောင်စီတပ်ရဲ့ကြည်းတပ်အင်အားမလုံလောက်တော့တာမို့ ရေတပ်အင် အားကို အများဆုံးဖြည့်တင်းထားသလို မြန်မာတနိုင်ငံလုံးရှိရေတပ်အင်အားထဲက တပ်ဖွဲ့ဝင်အင်အားအများဆုံးပို့ထားပြီး ရေငုပ်စစ်သင်္ဘောထိ အဆင်သင့်ပြင်ဆင်ထားတယ်လို့ စစ်ကောင်စီရေ တပ်အရာရှိတွေက ဆိုကြပါတယ်။
စစ်ကောင်စီတပ်ရဲ့နောက်ဆုံးခံစစ်အ ဖြစ် ကျောက်ဖြူမြို့နယ်ရှိဓညဝတီရေ တပ်ဌာနချုပ်လက်အောက်ခံအမှတ် ၁၁ ဆက်သွယ်ရေးရေတပ်၊အမှတ် ၁၂ ရေ တပ်ပစ္စည်းထိန်းတပ်၊အမှတ် ၁၃ ရေတ ပ်အုပ်ချုပ်ရေးတပ်၊အမှတ် ၁၄ရေတပ် လက်နက်ခဲယမ်းမီးကျောက်တပ်၊အမှ တ်၁၅ ရေတပ်စစ်မှုလက်မှုတပ်၊အမှတ် ၁၆ စစ်ရေယာဉ်စုတပ်တွေအပြင် အမှ တ် ၁၈ ရေတပ်အခြေစိုက်စခန်း၊မာန်အောင်မှာအမှတ် ၁၉ ရေတပ်ရှေ့တန်းစခန်းတွေကိုပါ ကွပ်ကဲအုပ်ချုပ်နေတယ်လို့ Border News Agency က စုံစမ်းသိရှိရပါတယ်။
အဲဒီဓညဝတီရေတပ်ဌာနချုပ်အောက်မှာရေတပ်စစ်သင်္ဘောငယ်အစီးရေနှစ်ဆယ်ကျော်ရှိပြီးရေတပ်စစ်ဆင်ရေးတွေကို အဓိကကွပ်ကဲနေသလို ကုန်း၊ရေအင်အားတထောင်ကျော်ခန့်ရှိတယ်လို့ စစ်ကောင်စီရေတပ်အသိုင်းအဝိုင်းက ဆိုကြပါတယ်။
အဲဒီဓညဝတီရေတပ်ဌာနချုပ်အပါအဝင် ကျောက်ဖြူမြို့နယ်တခုလုံးကို အပြီးသတ်သိမ်းပိုက်ဖို့ အာရက္ခတပ်တော်ကထိုးစစ်ဆင်တိုက်ခိုက်နေပေမယ့် အကန့်အသတ်တွေရှိနေတယ်လို့ ထုတ်ပြန်ထားပါတယ်။
