Border News Agency
မောင်တော၊ သြဂုတ် ၁၁။
အာရက္ခတပ်တော်(AA)ထိန်းချုပ်ထားတဲ့မောင်တောမြို့နယ်မှာ အရပ်သားတဦးကို ရိုဟင်ဂျာအမည်ခံအကြမ်းဖက် သမားတွေသတ်ဖြတ်လိုက်သလို နော က်ထပ်တဦးလည်းဒဏ်ရာရသွားတယ်လို့ မောင်တောဒေသခံတွေက အတည် ပြုပြောကြပါတယ်။
အဲဒီမောင်တောမြို့နယ်၊ ခရေမြိုင်ကျေးရွာမှ အသက်ငါးဆယ့်ငါးနှစ်အရွယ် ဦးမဲထွန်းလှကို သြဂုတ်လ ၁၀ ရက်နေ့၊ ညနေက ဂေါ်ဒူသာရချောင်းထဲမှာ ရိုဟင်ဂျာအမည်ခံအကြမ်းဖက်သမားတွေဖ မ်းဆီးပြီးဓားတွေနဲ့ခုတ်သတ်လိုက်ကြတာလို့ ဆိုကြပါတယ်။
အဲဒီအပြင် သူနဲ့အတူပါသွားသူအသက်သုံးဆယ်ကျော်အရွယ်ကိုလှမောင်သိန်းကတော့ ဓားဒဏ်ရာတွေနဲ့ထွက်ပြေးလွ တ်မြောက်လာခဲ့တယ်လို့ ခရေမြိုင်ရွာသားတွေက ဆိုကြပါတယ်။
“ချောင်းမှာငါးသွားရှာကြတာကို အကြ မ်းဖက်သမားတွေကဖမ်းပြီးခုတ်သတ်လိုက်တာပါ။ ခြေတွေ၊လက်တွေကိုရော့ပါ။သူက ခြေတဖက်သိပ်မကောင်းတော့ပြေးလို့မရောက်လိုက်ဘူးထင်ပါတယ်။နောက်တယောက်ကတော့ဒဏ်ရာတွေနဲ့လွတ်လာပါတယ်။” လို့ ခရေမြိုင်ကျေးရွာနေအမျိုးသမီးတဦးက Border News Agency ကို ပြောပါတယ်။
အဲဒီအရပ်သားနှစ်ဦးကို ပ-ညောင်ပင်ကြီးကျေးရွာမှာရောက်ရှိနေထိုင်နေကြတဲ့ရိုဟင်ဂျာအမည်ခံအကြမ်းဖက်သ မားတွေက ဖမ်းဆီးသတ်ဖြတ်လိုက်တာလို့ မောင်တောဒေသခံတွေက ဆိုကြပါတယ်။
အဲဒီအပြင် မောင်တောမြို့မကညင်တန်းမှာလည်း ရိုဟင်ဂျာအမည်ခံအကြမ်းဖက်သမားတွေအများအပြားဝင်ရောက်နေကြပေမယ့် တာဝန်ရှိသူတွေသွားရောက်ရှာဖွေဖမ်းဆီးတာတွေမပြုလုပ်ကြဘူးလို့ မောင်တောဒေသခံတွေက ဆိုကြပါတယ်။
အဲဲဒါကြောင့် ရိုဟင်ဂျာအမည်ခံအကြ မ်းဖက်သမားတွေဟာ နေရာအများအ ပြားမှာအင်အားအများအပြားဝင်ရော က်နေထိုင်နေကြပြီး အရပ်သားပြည်သူတွေကို အကြမ်းဖက်မှုတွေကျူးလွန်နေကြတယ်လို့ မောင်တောဒေသခံတွေက ဆိုကြပါတယ်။
“မောင်တောတိုက်ပွဲတုန်းက ပြည်သူတွေကို ဖမ်းဆီးသတ်ဖြတ်ခဲ့သူတွေကိုခုပြန်တွေ့နေရပါတယ်။ ဒေသခံတွေက တော့ သိကြတာပေါ့။ခုက ငါးရှာ၊ဟင်းခူးတောင်မသွားရဲကတော့ပါဘူး။သူတို့က အရင်ထက်ပိုများလာတာကို တွေ့နေရပါတယ်။” လို့ မောင်တောဒေသခံအမျိုးသမီးတဦးက Border News Agency ကို ပြောပါတယ်။
အဲဒီလိုအကြမ်းဖက်ဖမ်းဆီးသတ်ဖြတ်ခံရတဲ့နေရာသို့ အာရက္ခတပ်တော်(AA)က သွားရောက်ရှာဖွေခဲ့ပေမယ့် အကြ မ်းဖက်သမားတွေကို ဖမ်းဆီးရမိတာမရှိသေးဘူးလို့ မောင်တောဒေသခံတွေက ဆိုကြပါတယ်။
အဲဒီမောင်တောမြို့နယ်၊ကညင်တောမြောက်နေ၊အဖအဘုဟုရ်ဆောရ်ရဲ့သားအသက်သုံးဆယ့်သုံးနှစ်အရွယ်မုရ်တာဇာဟာရ်ဆောရ်ဟာ ရိုဟင်ဂျာအ မည်ခံအကြမ်းဖက်သမားတွေကို ကျေးရွာထဲမှာ လက်ခံနေထိုင်ခွင့်ပြုထားတယ်လို့ တာဝန်ရှိသူတွေကို အသိပေးတိုင်ကြားတာတွေပြုလုပ်ခဲ့တယ်လို့ ရွာသားတွေက ဆိုကြပါတယ်။
ဒါပေမယ့် အာရက္ခပြည်သူ့တော်လှန် ရေးအစိုးရရဲ့အုပ်ချုပ်ရေးအဖွဲ့ဝင်တွေအပါအဝင် တာဝန်ရှိသူတွေဟာ အရေးယူဆောင်ရွက်တာတွေမရှိကြတာမို့ အကြမ်းဖက်သမားတွေ ပိုမိုများပြားလာနေတယ်လို့ မောင်တောဒေသခံတွေကဆိုကြပါတယ်။
