Border News Agency
နေပြည်တော်၊ ဩဂုတ် ၂၂ ။
စစ်ကော်မရှင်လက်အောက်မှာ တာဝန်ထမ်းဆောင်နေတဲ့ အစိုးရအဖွဲ့ဝင်တွေ၊ ဝန်ကြီးတွေ ဩဂုတ်လ ၁၈ ရက်နေ့ကစပြီးရွေးကောက်ပွဲအတွက် ပါတီစည်းရုံးရေးတွေ၊နယ်မြေစည်းရုံးရေးတွေ လုပ်နိုင်ပြီလို့ ပြည်ထောင်စုရွေးကောက်ပွဲကော်မရှင်(UEC)က ဩဂုတ်လ ၂၁ ရ က်နေ့ကြေညာပါတယ်။
ပြည်ထောင်စုအစိုးရအဖွဲ့ဝင်တွေ၊ ဒုဝန်ကြီးတွေ၊ ပြည်ထောင်စုတရားလွှတ်တော်ချုပ်တရားသူကြီး၊ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးဥက္ကဋ္ဌ ဒါမှမဟုတ် အဖွဲ့ဝင်၊ ပြည်ထောင်စုရှေ့ နေချုပ်၊ ဒုတိယရှေ့နေချုပ်၊ပြည်ထောင်စုစာရင်းစစ်ချုပ်၊ ဒုတိယစာရင်းစစ်ချုပ်၊ ပြည်ထောင်စုရာထူးဝန်အဖွဲ့ ဥက္ကဋ္ဌ ဒါမှမဟုတ် အဖွဲ့ ဝင်တွေဟာ ရွေးကောက်ပွဲမှာ ပါဝင်ရွေးချယ်ခံမယ့်သူ ဆိုရင် စည်းရုံးရေးတွေလုပ်ပြီလို့ဆိုပါတယ်။
ဒါပေမယ့်စုဝေးဟောပြောတာတွေ၊မဲဆွယ်စည်းရုံးတာတွေကိုတော့ လွှတ်တော် ကိုယ်စားလှယ်လောင်းတွေအတည်ပြုပြီးမှာ ကြေညာမယ်လို့ ဆိုပါတယ်။
လွှတ်တော်အသီးသီးရဲ့ကိုယ်စားလှယ်လောင်းတွေဟာ စက်တင်ဘာလ ၈ ရ က်နေ့ကပြီး အမည်စာရင်းတင်သွင်းနိုင်မှာဖြစ်သလို စက်တင်ဘာလ ၁၈ ရက်နေ့မှ အောက်တိုဘာလ ၄ ရက်နေ့အတွ င်း စီစစ်သွားမယ်လို့ ဆိုပါတယ်။
ပြည်ပရောက်မဲဆန္ဒရှင်တွေဟာ ကြိုတင်ဆန္ဒမဲလက်မှတ်၊မေးပေးနိုင်မယ့်ပုံစံ ၁၅ ကို သက်ဆိုင်ရာသံရုံးတွေမှာ ဩဂုတ်လ ၂၁ ရက်နေ့ စထုတ်ယူနိုင်ပြီလို့ဆိုပါတယ်။
စစ်ခေါင်းဆောင်ဗိုလ်ချုပ်မှူးကြီးမင်းအောင်လှိုင်ဦးဆောင်တဲ့ စစ်ကော်မရှင်ဟာ ရွေးကောက်ပွဲကို လာမယ့်ဒီဇင်ဘာ လ ၂၈ ရက်နေ့ကစလို့ အပိုင်းလိုက်ကျ င်းပသွားမယ်လို့ ကြေညာထားတာပါ။
စစ်ကော်မရှင်ဦးဆောင်မယ့်ရွေးကောက်ပွဲကို အမျိုးသားညီညွတ်ရေးအစိုးရ (NUG)အပါအဝင် တော်လှန်ရေးအင်အားစုတွေ ဆန့်ကျင်ထားကြပါတယ်။
အာရက္ခဒေသမှာတော့ စစ်ကော်မရှင်ထိန်းချုပ်ထားနိုင်တဲ့ စစ်တွေ၊ကျောက် ဖြူ၊ မာန်အောင် သုံးမြို့နယ်မှာသာ ရွေးကောက်ပွဲလုပ်မယ်လို့ ဆိုပါတယ်။
အဲဒီအထဲက ကျောက်ဖြူမြို့နယ်မှာအာရက္ခတပ်တော်နဲ့စစ်ကော်မရှင်တပ်ကြားတိုက်ပွဲတွေပြင်းထန်နေသလို စစ်တွေမြို့နယ်မှာလည်း နှစ်ဘက်စစ်ရေးတင်းမာနေကြပါတယ်။
