သဘာဝပတ်ဝန်းကျင်
ကိုးရတ်တောမီးကို ဟယ်လီကော်ပတာတွေနဲ့ အရေးပေါ်ငြှိမ်းသတ်ဖို့ ဝန်ကြီးအမိန့်ပေး
Border News Agency မဲဆောက်၊ ဖေဖော်ဝါရီ ၁၄။ ထိုင်းနိုင်ငံ၊ ကိုးရတ် (နခွန်ရာချစီမာ) ခရိုင်ထဲက စကေးရတ် (Sakaerat) သဘာဝပတ်ဝန်းကျင် သုတေသနနယ်မြေမှာ တောမီးအကြီးအကျယ် လောင်ကျွမ်းနေပါတယ်။ အဲဒါကြောင့် ဒုတိယဝန်ကြီးချုပ်နဲ့ သယံဇာတပတ်ဝန်းကျင်ထိန်းသိမ်းရေးဝန်ကြီး နိုင်းဆုချတ်ချွန်ကလင်းက လေကြောင်းကနေ အရေးပေါ်ရေပက်ငြှိမ်းသတ်ဖို့ ဖေဖော်ဝါရီလ ၁၃ ရက်နေ့မှာ အမိန့်ထုတ်ပြန်လိုက်ပါတယ်။ အဲဒီတောမီးကိုအမြန်ဆုံးထိန်းချုပ်နိုင်ဖို့အတွက် ဝမ်နမ့်ခေမြို့နယ်၊ ဘန့်ဝမ်နမ့်ခေ ကျောင်းမှာ "တောမီးငြှိမ်းသတ်ရေး ကွပ်ကဲမှုစင်တာ" ကို ချက်ချင်းဖွင့်လှစ်ခဲ့ပြီး၊ နခွန်ရာချစီမာ ဒုတိယခရိုင်အုပ်ချုပ်ရေးမှူး နိုင်းဝိကျစ်ကွစ်ဝိရတ်က တာဝန်ယူ ကြီးကြပ်နေတာပါ။ အဲဒီတာဝန်ရှိသူတွေနဲ့ ပညာရှင်တွေ ဟယ်လီကော်ပတာနဲ့ ကွင်းဆင်းစစ်ဆေးကြည့်တဲ့အခါမှာတော့ မီးဟာအင်တိုင်းတောထဲက ခြောက်သွေ့နေတဲ့မြက်ပင်တွေနဲ့ ဝါးရုံတွေကြားထဲ ကူးစက်လောင်ကျွမ်းနေတာကို တွေ့ခဲ့ရပါတယ်။ အဲဒါကြောင့် ဝန်ကြီးဌာနပိုင်လေယာဉ်တွေနဲ့ မီးလောင်ရာနေရာကို အကြိမ်ပေါင်း ၁၀ ကြိမ်ထက်မနည်း ပျံသန်းပြီး ရေပက်ဖျန်း ငြှိမ်းသတ်ခဲ့ပါတယ်။ အဲဒီလို လေကြောင်းကနေငြှိမ်းသတ်မှုကြောင့် မီးအရှိန်သိသိသာသာလျော့ကျသွားပေမယ့် လုံးဝငြိမ်းသွားတာမျိုးတော့ မဟုတ်သေးပါဘူး။ ဒါကြောင့် ဒီနေ့၊ မနက် ၈ နာရီခွဲမှာလေကြောင်းကနေထပ်မံစစ်ဆေးပြီး မီးလုံးဝငြှိမ်းသတ်နိုင်တဲ့အထိ ထိရောက်တဲ့စစ်ဆင်ရေးတွေကို ဆက်လုပ်သွားမှာ ဖြစ်ပါတယ်။ ဝန်ကြီးနိုင်းဆုချတ်ကတော့ သဘာဝသယံဇာတတွေကိုကာကွယ်ဖို့နဲ့ ပြည်သူတွေမီးခိုးငွေ့ဒဏ်မခံရအောင် ဌာနဆိုင်ရာအားလုံးပူးပေါင်းပြီး အစွမ်းကုန်ဆောင်ရွက်ကြဖို့ အလေးအနက်မှာကြားထားပါတယ်။
Read more
စပိန်နဲ့ ပေါ်တူဂီကိုမှာ မာတာမုန်တိုင်းကြောင့် လူတသောင်းကျော် အရေးပေါ်ရွှေ့ပြောင်းနေရ
Border News Agency စပိန်၊ ဖေဖော်ဝါရီ ၉။ ဥရောပတောင်ပိုင်းကစပိန်နဲ့ ပေါ်တူဂီနိုင်ငံတွေမှာ ပြီးခဲ့တဲ့အပတ်ကတိုက်ခတ်ခဲ့တဲ့ "လီယိုနာဒို" မုန်တိုင်းအပြီး ဒီအပတ်မှာတော့ "မာတာ (Marta)" မုန်တိုင်းထပ်ဝင်လာလို့ စပိန်မိုးလေဝသအေဂျင်စီ (AEMET) က ဖေဖော်ဝါရီလ ၇ ရက်နေ့ကတည်းက လိမ္မော်ရောင်အဆင့်သတိပေးချက် ထုတ်ပြန်ထားပါတယ်။ အဲဒီမုန်တိုင်းဟာ ဖေဖော်ဝါရီလ ၉ ရက်၊ ဒီနေ့အထိလည်း မုန်တိုင်းအရှိန်ကဆက်ပြင်းနေတုန်းပဲလို့ ဆိုပါတယ်။ ဒီမာတာမုန်တိုင်းကြောင့် လူငါးဦးထက်မနည်းသေဆုံးခဲ့ရပြီး စပိန်မြောက်ပိုင်း အာဗီလာ (Avila) ဒေသမှာ နှင်းရှင်းတဲ့ကားမောင်းသူတဦးလည်း မီတာ ၂၀ အမြင့်ရှိတဲ့ ချောက်ထဲလျှောကျသေဆုံးခဲ့တယ်လို့ ဆိုပါတယ်။ အဲဒီအပြင် ပေါ်တူဂီနိုင်ငံ ပေါ်တယ်လီဂရီ (Portalegre) မှာလည်း အသက်လေးဆယ့်ခြောက်နှစ်အရွယ် အမျိုးသားတဦး ရေနစ်သေဆုံးခဲ့တယ်လို့ ဆိုပါတယ်။ စပိန်တောင်ပိုင်းအန်ဒလူစီးယား (Andalusia) ဘက်မှာ မြစ်ရေလျှံလို့ လူပေါင်းတသောင်းတထောင်ကျော်ကို အရေးပေါ်ရွှေ့ပြောင်းပေးခဲ့ရပြီး ပြည်သူတွေအိုးမဲ့အိမ်မဲ့ ဖြစ်နေကြရတယ်လို့ဆိုပါတယ်။ အဲဒီမုန်တိုင်းဒဏ်ကြောင့် စိုက်ပျိုးရေးလည်းထိခိုက်နေပြီး စပိန်တောင်ပိုင်း ကာဒစ်ဇ် (Cadiz) ပြည်နယ်က လယ်သမားအဖွဲ့ (COAG) ရဲ့ပြောပြချက်အရ ဘရိုကိုလီ၊ မုန်လာဥနီနဲ့ ပန်းဂေါ်ဖီစိုက်ခင်း ဟက်တာထောင်နဲ့ချီပြီး ရေအောက်ရောက်သွားပြီလို့ ဆိုပါတယ်။ အဲဒီ ပေါ်တူဂီစိုက်ပျိုးရေးဝန်ကြီးဌာနကလည်း လာမယ့်ရက်ပိုင်းအတွင်း စိုက်ပျိုးရေးနဲ့ သစ်တောကဏ္ဍမှာ ဆုံးရှုံးမှုတန်ဖိုး ယူရို ၇၅၀ သန်း (ဒေါ်လာ ၈၉၀ သန်း) လောက်အထိ ရှိနိုင်တယ်လို့ ခန့်မှန်းထားပါတယ်။ အဲဒီအပြင် စပိန်တနိုင်ငံလုံးမှာ လမ်းပေါင်း ၁၇၀ နီးပါးကို ဘေးကင်းအောင်ပိတ်ထားရသလို၊ စပိန်လာလီဂါရဲ့ ပွဲစဉ်ကြီးဖြစ်တဲ့ ဆီဗီလာ (Sevilla) နဲ့ ဂီရိုနာ (Girona) အသင်းတို့ပွဲကိုလည်း ရာသီဥတုဆိုးလို့ ရွှေ့ဆိုင်းလိုက်ရတယ်လို့ ဆိုပါတယ်။ စပိန်နဲ့ ပေါ်တူဂီမှာ ဒီနေ့အထိမိုးကြီးတာ၊ လေပြင်းတိုက်တာနဲ့ရေကြီးတာတွေ ဆက်ဖြစ်နေပြီး မုန်တိုင်းအရှိန်ကနောက်ထပ် ၂၄ နာရီကနေ ၄၈ နာရီအထိ ဆက်ပြင်းနေဦးမယ်လို့ သိရပါတယ်။ ပေါ်တူဂီအစိုးရက လက်ရှိမှာကယ်ဆယ်ရေးသမား နှစ်သောင်းခြောက်ထောင်ငါးရာကျော်ကို အသင့်ပြင်ထားပြီး ရေဘေးသင့်သူတွေကို ကူညီပေးနေတယ်လို့ ဆိုပါတယ်။
Read more
အာရက္ခဒေသမှာ တောရိုင်းတိရစ္ဆာန်တွေကိုမဖမ်းဖို့ အာရက္ခအစိုးရတားမြစ်
Border News Agency မြောက်ဦး၊ ဖေဖော်ဝါရီ ၆။ အာရက္ခဒေသအတွင်း မြို့နယ်တွေမှာ တောရိုင်းတိရစ္ဆာန်တွေကို ဖမ်းဆီးတာတွေမပြုလုပ်ဖို့ အာရက္ခပြည်သူ့တော်လှန်ရေးအစိုးရရဲ့ သစ်တောနဲ့သဘာဝပတ်ဝန်းကျင်စီမံခန့်ခွဲရေးဌာနမှ ဇန်နဝါရီလ ၂၃ ရက်နေ့ကထုတ်ပြန်ထားပါတယ်။ အာရက္ခဒေသကပြည်သူအချို့ဟာ သစ်တောနဲ့သဘာဝပတ်ဝန်းကျင်စီမံခန့်ခွဲရေးဌာနရဲ့ ခွင့်ပြုချက်မရှိဘဲ သစ်တောကြိုး ဝိုင်း၊ ကြိုးပြင်ကာကွယ်တောတွေနဲ့ အစိုးရစီမံခန့်ခွဲပိုင်ခွင့်ရှိတဲ့ တောတောင်တွေကိုဝင်ရောက်ပြီး အမဲလိုက်နေတာလို့ ဆိုပါတယ်။ အဲဒီပြည်သူတွေဟာ တောရိုင်းတိရစ္ဆာန်တွေကို ဖမ်းဆီးတာတွေနဲ့ ရောင်းချတာတွေပြုလုပ်နေတာကြောင့် အာရက္ခအစိုးရအနေနဲ့ တောရိုင်းတိရစ္ဆာန်တွေ မျိုးမပြုန်းရအောင် တားမြစ်လိုက်တာပါ။ ပြည်သူတွေအနေနဲ့ သစ်တောကြိုးဝိုင်း၊ ကြိုးပြင်ကာကွယ်တောတွေနဲ့ အစိုးရစီမံခန့်ခွဲပိုင်ခွင့်ရှိတဲ့ တောတောင်တွေကို ဝင်ရောက်ပြီး တောရိုင်းတိရစ္ဆာန်တွေကိုအမဲလိုက်တာ၊ ဖမ်းဆီးတာ၊ ရောင်းချတာတွေ လုံးဝမပြုလုပ်ရဘူးလို့ ဆိုပါတယ်။ အဲဒီတားမြစ်ချက်တွေကို လိုက်နာမှုမရှိဘဲ ကျူးလွန်ဖောက်ဖျက်ရင် ဥပဒေနဲ့အညီထိထိရောက်ရောက် အရေးယူဆောင်ရွက်သွားမယ်လို့လည်း ဆိုပါတယ်။ အာရက္ခဒေသကပြည်သူတွေအနေနဲ့ စည်းကမ်းချက်တွေ ပူးပေါင်းလိုက်နာဆောင်ရွက်ပေးကြဖို့ကိုလည်း အာရက္ခပြည်သူ့တော်လှန်ရေးအစိုးရရဲ့ သစ်တောနဲ့ သဘာဝန်းပတ်ဝန်းကျင်စီမံခန့်ခွဲရေးဌာနမှ တိုက်တွန်းထားပါတယ်။
Read more
မြန်မာနိုင်ငံအနောက်ပိုင်းနဲ့အလယ်ပိုင်းမှာအင်အားပြင်းငလျင်လှုပ်ခတ်
Border News Agency မောင်တော၊ ဖေဖော်ဝါရီ ၄။ ရခိုင်-မကွေးအစပ်ကို ဗဟိုပြုပြီး ပြင်းအား ၅.၉ (Mw) အင်အားပြင်းငလျင်နဲ့ ၄.၂ (Mw) ရှိတဲ့ ငလျင်ငယ်တခု ဖေဖော်ဝါရီလ ၃ ရက်၊ညပိုင်းမှာ လှုပ်ခတ်သွားတယ်လို့ USGS ရဲ့ ထုတ်ပြန်ချက်အရ သိရပါတယ်။ အဲဒီငလျင်ဟာ ရေနံချောင်းမြို့ရဲ့ အနောကဘက် ၉၅ ကီလိုမီတာအကွာ ရခိုင်ရိုးမတောင်တန်းအတွင်းကို ဗဟိုပြုလှုပ်ခတ်ခဲ့တာဖြစ်ပြီး ရခိုင်တစ်ပြည်လုံးအပြင် နေပြည်တော်၊ ရန်ကုန်နဲ့ မန္တလေးမြို့တွေမှာပါ ပြင်းထန်စွာ တုန်ခါသွားခဲ့တာပါ။ အဲဒီလှုပ်ခတ်မှုကြောင့် ဘင်္ဂလားဒေ့ရှ်နယ်စပ်ဖြစ်တဲ့ မောင်တောမြို့နယ်မှာ ပြင်းပြင်းထန်ထန် တုန်ခါသွားခဲ့တယ်လို့ ဒေသခံတွေက ဆိုပါတယ်။ အဲဒီမောင်တောဒေသကို မနေ့ည ၁၀ နာရီ ၇ မိနစ်မှာအမြင့်ဆုံးစကေး ၅.၁ (Mw) အဆင့်နဲ့ ပထမတကြိမ် လှုပ်ခတ်ခဲ့ပြီး၊ ၁၀ နာရီ ၂၃ မိနစ်မှာတော့ ၄.၂ (Mw) အဆင့်နဲ့ ဒုတိယတကြိမ် ထပ်မံလှုပ်ခတ်ခဲ့တယ်လို့ USGS ရဲ့ ဖော်ပြချက်အရ သိရပါတယ်။ အဲဒီငလျင်ဟာ မောင်တောမြို့ရဲ့ အနောက်မြောက်ဘက် ၉ မိုင်ခန့်အကွာ၊ မြေပြင်အောက်အနက် ၁၂ ကီလိုမီတာမှာ လှုပ်ခတ်ခဲ့တဲ့ အလွန်တိမ်တဲ့ငလျင်ဖြစ်တာကြောင့် မောင်တောမြို့ပေါ်မှာ တုန်ခါမှု အတော်လေး ပြင်းထန်ခဲ့တာ ဖြစ်ပါတယ်။ အဲဒီငလျင်လှုပ်ခတ်မှုကြောင့်အဆောက်အအုံတွေနဲ့ ဘုန်းကြီးကျောင်းတွေ သိသိသာသာ တုန်ခါသွားလို့ လူတွေဟာ နေအိမ်အပြင်ဘက်ကို ထွက်ပြေးခဲ့ကြရတယ်လို့ မြို့ခံတွေကဆိုကြပါတယ်။ "ပထမတကြိမ် လှုပ်တာက အရမ်းပြင်းတယ်။ငါးမိနစ်လောက်ကို တုန်နေတာ။ ဘုန်းကြီးကျောင်းတွေလည်း အတော်လေး တုန်ခါသွားလို့ အပေါ်ထပ်တောင် မတက်ရဲဘူး ဖြစ်နေတယ်။"လို့ မောင်တောမြို့ခံကျောင်းထိုင်ဆရာတော်တပါးက Border News Agency ကို မိန့်ကြားပါတယ်။ အဲဒါကြောင့် ညအချိန်မတော် ငလျင်ဒဏ်ကို နှစ်ကြိမ်တိုင်တိုင် ပြင်းပြင်းထန်ထန် ခံစားလိုက်ရတဲ့အတွက် မောင်တောဒေသခံတွေဟာ ထိတ်လန့်နေကြတယ်လို့ သိရပါတယ်။
Read more
ကမ္ဘာ့နိုင်ငံအချို့မှာ ရာစုနှစ်ဝက်အတွင်း အပြင်းထန်ဆုံးအအေးလှိုင်းနဲ့ နှင်းမုန်တိုင်းတွေဖြစ်နေ
Border News Agency ရုရှား၊ ဇန်နဝါရီ ၂၁။ ရုရှား၊ တရုတ်၊ ဂျပန်နဲ့ အမေရိကန်နိုင်ငံတွေမှာ ပုံမှန်မဟုတ်တဲ့ရာသီဥတုပြောင်းလဲမှုတွေကြောင့် ဆယ်စုနှစ်အတွင်း အဆိုးရွားဆုံးအအေးလှိုင်းနဲ့ နှင်းမုန်တိုင်းဒဏ်ကို တပြိုင်တည်းဖြစ်နေတယ်လို့ သိရပါတယ်။ အဲဒီဖြစ်စဉ်တွေနဲ့ပတ်သက်ပြီး ဇန်နဝါရီလ တတိယအပတ်အတွင်းမှာ ရုရှား၊...
Read more
လက်နက်ကိုင်ပဋိပက္ခဒဏ်ကြောင့် ထိန်းသိမ်းသူကင်းမဲ့နေတဲ့ ဒီရေတောတွေ
နတ်သျှင်မေ၊သော်တာ၊မင်းထွန်းပူး ပေါင်းရေးသားထားပါတယ်။ Border News Agencyရမ်းဗြဲ၊ နိုဝင်ဘာလ ၃၀။ မြန်မာနိုင်ငံရဲ့ကမ်းရိုးတန်းဒေသတွေဖြစ်တဲ့ ရခိုင်၊ မွန်၊ ဧရာဝတီနဲ့ တနင်္သာရီတိုင်းဒေသတွေရဲ့သဘာဝလက်ဆောင် ဘိုးဘွားအမွေဒီရေတောတွေဟာ လက်ရှိကာလမှာတော့ စစ်ပွဲတွေရဲ့အလယ်မှာထိန်းသိမ်းမှုမဲ့ပျက်စီးလာနေပါတယ်။ ကမ္ဘာမြေရဲ့အဖိုးတန်အပြာရောင်ကာဗွန်သိုလှောင်ရုံတွေနဲ့ကမ်းရိုးတန်းဒေသရှိ လူဦးရေငါးသန်းကျော်ရဲ့အသက်သွေးကြောဖြစ်ခဲ့တဲ့ သဘာဝအမွေအနှစ်ဒီရေတောတွေဟာလက်နက်ကိုင်ပဋိပက္ခတွေနဲ့အတူ စနစ်တကျစောင့်ကြည့်ထိန်းသိမ်းသူမဲ့ဖြစ်လာနေတာပါ။ (ဓာတ်ပုံ...
Read more
“ရာသီဥတုကလည်းမငြိမ်သက်ပါဘူး။ ဆောင်းရာသီရောက်သင့်တဲ့အချိန်မှာမရောက်ဘဲ မိုးရွာနေတော့ ဂေါ်ဖီကစိုက်ပေမယ့် ရေမြုပ်တဲ့အပင်တွေကတော့ သေသွားပါတယ်။”
အင်တာဗျူးBorder News Agencyမြောက်ဦး၊ နိုဝင်ဘာ ၉။ အာရက္ခတပ်တော်(AA)ထိန်းချုပ်နယ် မြေတွေက တောင်သူလယ်သမားတွေဟာ အခက်အခဲပေါင်းစုံနဲ့ရင်ဆိုင်နေကြရပါတယ်။ အဲဒီတောင်သူတွေဟာ မျိုးစေ့တွေ၊ ဓာတ်မြေသြစာတွေ၊ နည်းပညာတွေအပါအဝင်ရာသီဥတုပြောင်းလဲမှုဒဏ်တွေကိုလည်းခံနေကြရတယ်လို့ တောင်သူတွေကဆိုကြပါတယ်။ အဲဒီမြောက်ဦးမြို့နယ်က ဆောင်းသီးနှံစိုက်တောင်သူဦးခင်မောင်က သူတို့ကြုံတွေနေ့ကရတဲ့အခက်အခဲတွေ၊ စိန်ခေါ်မှုတွေ၊ လိုအပ်ချက်တွေကို ပြောပြထားပါတယ်။...
Read more
စစ်တောင်းမြစ်ကမ်းပါးပြိုလို့ နေအိမ်နှစ်ဆယ့်ခုနှစ်လုံးရေစီးမျှောပါ (ဓာတ်ပုံသတင်း)
Border News Agencyမူး၊ အောက်တိုဘာလ ၃၁။ ကော်သူးလေအုပ်ချုပ်မှုနယ်မြေ၊ ခလယ်လွီထူခရိုင်၊ မူးမြို့နယ်မှာ စစ်တောင်းမြစ်ကမ်းပါးပြိုလို့ နေအိမ်နှစ်ဆယ့်ခုနှစ်လုံးရေစီးနဲ့ မျှောပါသွားတယ်လို့ ကရင်အမျိုးသားအစည်းအရုံးမှ အောက်တိုဘာလ ၃၁ ရက်၊ ဒီနေ့ထုတ်ပြန်ပါတယ်။ အဲဒီမူးမြို့နယ်၊ ခုံမြောင်(လက်ပံခုံ)ကျေးရွာမှာ အောက်တိုဘာလ ၂၀...
Read more
ကျောက်တော်မြို့အနီး ၄.၉ အဆင့်မြေငလျင်လှုပ်
Border News Agencyကျောက်တော်၊ စက်တင်ဘာ ၁၄။ အာရက္ခတပ်တော်(AA)ထိန်းချုပ်ထားတဲ့ကျောက်တော်မြို့ အရှေ့ဘက်ပိုင်း မိုင်၂၀ ဝန်းကျင်၊ မြောက်ဦးမြို့မြောက်ပိုင်း ၂၆ မိုင်ခန့်အကွာက တောင်တန်းအောက်အနက် ၆ မိုင်မှမဂ္ဂနီကျု ၄.၉ အဆင့်မြေငလျင်ငယ်ဟာ စက်တင်ဘာ လ ၁၄...
Read more
မြောက်ဦးမြို့နယ်မှာ မိုးကြိုးပစ်ခံရပြီး အမျိုးသားတဦးသေဆုံး
Border News Agencyမြောက်ဦး၊ စက်တင်ဘာ ၁၁။ မြောက်ဦးမြို့နယ်မှာ စက်တင်ဘာ ၉ ရ က်နေ့က မိုးကြိုးပစ်ခံရပြီးအမျိုးသားတဦးသေဆုံးသွားတယ်လို့ ဒေသခံတွေက ဆိုကြပါတယ်။ အဲဒီမြောက်ဦးမြို့နယ်၊ပုရိန်ကျေးရွာမှ အသက်သုံးဆယ်အရွယ်အဘုလ်ဖော်ယာစ်သေဆုံးသွားခဲ့တာပါ။ သူဟာ စက်တင်ဘာလ ၉ ရက်၊ညနေ ၆...
Read more