Border News Agency
စစ်ကိုင်း၊ စက်တင်ဘာ ၂၂။
စစ်ကိုင်းတိုင်း၊ တမူးခရိုင်မှာ စစ်ကော်မရှင်တပ်ဖွဲ့ဝင်ဒုတပ်ကြပ်တဦး လက်နက်နဲ့အတူ အလင်းဝင်လာတယ်လို့ တမူးခရိုင်အမှတ် ၂ စစ်ဒေသက စက်တင် ဘာလ၂၂ ရက်၊ဒီနေ့ထုတ်ပြန်ပါတယ်။
စစ်ကော်မရှင်တပ်ဟာ ကသည်းတပ်၊ SNA တပ်တွေနဲ့အခိုင်အမာတပ်စွဲထားတဲ့ကျွန်းပင်သာရွာရှိအမှတ် ၃၄၇ ခြေမြန်တပ်ရင်းမှဒု-တပ်ကြပ်သန့်ဇင်ဦး ကိုယ်ပိုင်အမှတ် ပစ/၁၀၄၅၉၇၊ စစ်ပ ညာသင်တန်းအပါတ်စဉ် ၁/၂၀၂၄ဟာ ပြီးခဲ့တဲ့သြဂုတ်လ ၃ ရက်နေ့ကMA-11 ၁လက်၊ကျည်ဘောက် ၁ခု၊၅.၅ ၆ ကျ ည် ၂၅ တောင့်နဲ့အလင်းဝင်လာတယ်လို့ ဆိုပါတယ်။
စစ်ကော်မရှင်ဟာ သူရဲ့မိဘတွေဆီက စစ်ကြေးတောင်းတဲ့ ငွေတဆယ်တသိန်းကျပ်ကိုမပေးချင်တာမို့ စစ်တပ်ထဲဝင်လာတာဖြစ်ပြီးပြည်သူတွေကစစ်ကော်မရှင်ကို ထောက်ခံမှုမရှိတော့တာကြောင့် အချိန်အလွန်ခင်အလင်းဝင်ဖို့ ဆုံးဖြတ်ခဲ့တယ်လို့ သန့်ဇင်ဦးက ဆိုပါတယ်။
အဲဒီအလင်းဝင်လာသူဒု-တပ်ကြပ်သန့်ဇင်ဦးကို တမူးခရိုင်၊အမှတ် ၂ တပ်ရင်းမှသိန်းငါးဆယ်ကျပ်ကို ဂုဏ်ပြုဆုငွေ ချီးမြှင့ခဲ့ပြီး သူ့ဆန္ဒအတိုင်း ဆက်လက်လုပ်ဆောင်ပေးသွားမယ်လို့ဆိုပါတယ်။
စစ်ကော်မရှင်လက်အောက်ကရုန်းထွက်ကာ တော်လှန်ရေးတပ်ဖွဲ့တွေနဲ့ပူး ပေါင်းပါဝင်ချင်သူတွေကိုလည်း တမူးခရိုင်ရှိတော်လှန်ရေးတပ်ဖွဲ့တွေမှ ဝမ်း မြောက်ဝမ်းသာကြိုဆိုနေတယ်လို့ဆိုပါတယ်။
