Border News Agency
နေပြည်တော်၊ စက်တင်ဘာ ၂၄။
အာဏာသိမ်းစစ်ခေါင်းဆောင်ဗိုလ်ချုပ်မှူးကြီးမင်းအောင်လှိုင်ဟာ စက်တင် ဘာလ၂၄ ရက်၊ ဒီနေ့မနက် ၇ နာရီကျော်အချိန်က သမ္မတဗလာဒီမာပူတင်နဲ့တွေဖို့ ရှရှားနိုင်ငံသို့သွားနေပါတယ်။
သူနဲ့အတူ ဗိုလ်ချုပ်ကြီးရဲဝင်းဦး၊ ကော်မရှင်အဖွဲ့ဝင်နိုင်ငံခြားရေးဝန်ကြီးဌာနပြည်ထောင်စုဝန်ကြီးဦးသန်းဆွေ၊ ပြည်ထောင်စုဝန်ကြီးတွေဖြစ်ကြတဲ့ဦးဉာဏ်ထွန်း၊ ဦးကိုကိုလွင်၊ ဒေါက်တာမျိုးသိန်းကျော်၊ ဒေါက်တာသက်ခိုင်ဝင်း၊မန္တလေးတိုင်းဒေသကြီးဝန်ကြီးချုပ်ဦးမျိုးအောင်၊ တပ်မတော်အရာရှိကြီးတွေပါဝင်သွားပါတယ်။
သူတို့ဟာ ရုရှားနိုင်ငံ၊ မော်စကိုမြို့မှာကျင်းပမယ့် ကမ္ဘာ့အဏုမြူသီတင်း တ်ဖိုရမ် -၂၀၂၅(World Atomic Week Forum-2025)တက်ပြီး ရုရှားနိုင်ငံသမ္မတ မစ္စတာဗလာဒီမာပူတင်အပါအဝင် ရုရှားနိုင်ငံတာဝန်ရှိသူတွေနဲ့တွေ့ဆုံသွားမယ်လို့ဆိုပါတယ်။
သူတို့ဟာနှစ်နိုင်ငံအစိုးရအစိုးရနဲ့ပြည်သူတွေအကြားချစ်ကြည်ရေး၊ စီးပွားရေး၊ လုံခြုံရေးဆိုင်ရာတွေနဲ့ကဏ္ဍပေါင်းစုံမှာ မဟာဗျူဟာမြောက်ပူးပေါင်းဆောင်ရွက်မှုဆိုင်ရာကိစ္စရပ်တွေပိုပြီးတိုးတက်ခိုင်မာအောင်ဆောင်ရွက်သွားမယ်လို့ဆိုပါတယ်။
အဲဒီရုရှားနိုင်ငံ၊ မော်စကိုမြို့မှာကျင်းပမယ့်ကမ္ဘာ့အဏုမြူသီတင်းပတ်ဖိုရမ် – ၂ ၀၂၅(World Atomic Week Forum- 2025)ကို ရုရှားနိုင်ငံ၊ မော်စကိုမြို့မှာလာမယ့် စက်တင်ဘာ ၂၅ ရက်မှ ၂၈ ရက်နေ့ထိကျင်းပမှာဖြစ်ပြီး နျူကလီး ယားနဲ့ဆက်စပ်စက်မှုလုပ်ငန်းတွေအ တွက် အကြီးမားဆုံးပွဲ ဖြစ်တယ်လို့ဆိုပါတယ်။
အဲဒီအခမ်းအနားကို နျူကလီးယားပရိုဂရမ်တွေဖော်ဆောင်နေတဲ့ နိုင်ငံတွေက ခေါင်းဆောင်တွေ၊ကမ္ဘာ့ထိပ်တန်းကျွ မ်းကျင်သူတွေနဲ့ကုမ္ပဏီကြီးတွေရဲ့ အ ကြီးအကဲတွေ တက်မှာဖြစ်တယ်လို့ ဆိုပါတယ်။
ဖိုရမ်ကိုတော့ ရုရှားနျူကလီးယားလုပ်ငန်းရဲ့ နှစ် ၈၀ ပြည့်အထိမ်းအမှတ်အဖြစ်ကျင်းပတာဖြစ်တယ်လို့ဆိုပါတယ်။
