စစ်တွေ၊သြဂုတ် ၁။
စစ်ကောင်စီရဲ့ပြည်နယ်ရုံးစိုက်ထားပြီး
စစ်အင်အားအများအပြားနဲ့ထိန်းချုပ်ထားတဲ့စစ်တွေမြို့ပေါ်မှာ တိုက်အိမ်တွေထိဖြိုဖျက်ခံနေရသလို လူနေအိမ်
အများအပြားဖောက်ထွင်းခိုးယူဖျက် ဆီးခံနေကြရတယ်လို့ အာရက္ခပြည်သူတွေက အတည်ပြုပြောကြပါတယ်။
ရခိုင်စစ်ပွဲအဆုံးအဖြတ်မှာစစ်ကောင်စီ
တပ်က ကုန်းလမ်း၊ရေလမ်းတွေ အကုန်
လုံးပိတ်ဆို့ကန့်သတ်ထားပြီး အရပ် သားပြည်သူတွေကို စစ်ဘေးရှောင်ထွ က်ခွာခွင့်တွေတားမြစ်ကန့်သတ်ထားသလို မြို့ပေါ်မှာပိတ်မိကျန်နေသူတွေကို လူသားဒိုင်းကာအဖြစ် ဓားစာခံပြု လုပ်ထားလို့ အာရက္ခပြည်သူတွေ ဆိုကြပါတယ်။
အဲဒီလိုတားမြစ်ကန့်သတ်ထားပေမယ့်
မြို့ပေါ်ရှိအရပ်သားပြည်သူလူထုရဲ့အ သက်စည်းစိမ်အိုးအိမ်တွေကို အကာအ
ကွယ်မပေးရုံသာမက ဖျက်ဆီးနှောက်
ယှက်ခံနေကြရတယ်လို့ ဆိုကြပါတယ်။
”ဓနီးမိုးအိမ်တွေသာမကတော့ပါဘူး အုတ်စီတိုက်အိမ်တွေကိုပါ အုတ်တွေကိုတစစီဖြိုဖျက်ခိုးယူနေကြပါတယ်။
စစ်ကောင်စီတပ်က အရပ်သားပြည်သူ
တွေကိုသာစိတ်ကြိုက်ဝင်ဖမ်းနေပေမယ့်သူခိုးဓားမြဖောက်ထွင်းခိုးယူနေသူတွေကိုတခါမှဖမ်းတာမတွေ့ပါဘူး။စစ်
တပ်ကအမင်တကာဖြိုဖျက်ခိုးယူခိုင်းနေသလိုပါ။”လို့ စစ်တွေမြို့မှစစ်ဘေး
ရှောင်နေသူတစ်ဦးက Border News Agency သို့ပြောပါတယ်။
အဲဒီစစ်တွေမြို့နယ်၊မင်းဂံရပ်ကွက်ရှိလူ
နေအိမ်တွေ၊တိုက်အိမ်တွေအများဆုံးဖြိုဖျက်ဖောက်ထွင်းခိုးယူခံနေကြရသလို စစ်ဘေးရှောင်ထွက်ပြေးနေကြတဲ့နေအိမ်အားလုံးနီးပါးဖြိုဖျက်ခံနေရတာ
လို့ ကိုယ်တိုင်မြင်တွေ့နေကြရသူတွေက
ဆိုကြပါတယ်။
အဲဒီစစ်တွေမြို့နယ်ရှိ လူနေအိမ်တွေ၊တိုက်တာအဆောက်အအုံတွေကို စစ်ကောင်စီတပ်လက်နက်ကိုင်တွေ၊မွတ်
ဆလင်လက်နက်ကိုင်တွေ၊ရခိုင်ပြည်လွတ်မြောက်ရေးပါတီ(ALP)ဝင်တွေ၊
ဒေသခံခိုးဆိုးလုယက်သူတွေက ဖော က်ထွင်းခိုးယူတာတွေ၊ဖြိုဖျက်တာတွေ၊
တဆင့်ရောက်ချတာတွေပြုလုပ်နေကြ
တာလို့ ဆိုကြပါတယ်။
အဲဒီလိုဖောက်ထွင်းခိုးယူဖြိုဖျက်ခံနေ
ကြရတာဟာ စစ်ကောင်စီတပ်က စစ်
တွေမြို့နယ်ကို အလုံးစုံးပျက်သုဥ်းရေး
နဲ့ဝင်ငွေရရှိရေအတွက်ပြုလုပ်နေတာဖြ စ်သလို ရာဇဝတ်မှုတွေဖြစ်ပြီး ပြည်သူ
အချင်းချင်းလုယက်သတ်ဖြတ်မှုတွေဖြစ်အောင်လုပ်နေကြတာလို့ အာရက္ခ
ပြည်သူတွေက ဆိုကြပါတယ်။
”စစ်တပ်က ပြည်သူတွေရဲ့အသက်စ ည်းစိမ်အိုးအိမ်တွေကိုမကာကွယ်ပေးရုံ
သာမကဘူး။ကိုယ်တိုင်ဖျက်ဆီးနေကြပါတယ်။အဲဒီလိုဖျက်ဆီးဖို့အတွက်လ ည်းသူတို့လက်ပါးစေတွေကိုအားပေးအားမြှောက်ပြုနေပါတယ်။ALP ကလည်း ရခိုင်ပြည်သူတွေကို ဒုက္ခတွေပေးပြီးရက်စက်ယုတ်မာနေပါတယ်။စစ်တွေကိုကာကွယ်စောင့်ရှောက်သူမဲ့နေပါတယ်။” စစ်တွေမြို့ဇာတိအမျိုး သမီးတစ်ဦးက Border News Agency
သို့ ပြောပါတယ်။
အဲဒီစစ်တွေမြို့နယ် ဆင်ခြေဖုံးရှိရခိုင်ကျေးရွာအားလုံးကို စစ်ကောင်စီတပ်ကအတင်းအဓမ္မနှင်ထုတ်ပြီး အဲဒီကျေး
ရွာရှိအဖိုးတန်းပစ္စည်းတွေယူဆောင်ကာ ကျေးရွာအများစုကို မီးရှို့ဖျက်ဆီး
လိုက်တယ်လို့ စစ်တွေဒေသခံတွေက ဆိုကြပါတယ်။
အဲဒီလို မီးရှို့ဖျက်ဆီးခဲ့ပြီးကျန်နေတဲ့
ကျေးရွာတွေမှာ စစ်ကောင်စီတပ်လက် နက်ကိုင်တွေ၊မွတ်ဆလင်လက်နက်ကိုင်တွေ၊ရခိုင်ပြည်လွတ်မြောက်ရေးပါတီ (ALP)ဝင်တွေ ဝင်ရောက်တပ်စွဲစခန်းချ
နေကြတယ်လို့ ဆိုကြပါတယ်။
အဲဒီအပြင် စစ်တွေမြို့နယ်မှာ ပိတ်မိကျန်နေကြတဲ့အရပ်သားပြည်သူတွေကို အတင်းအဓမ္မဖမ်းဆီးတာတွေ၊သ တ်ဖြတ်တာတွေ၊အတင်းအဓမ္မပြုကျင့်
တာတွေပြုလုပ်နေကြသလို ဖမ်းဆီးငွေ
ညှစ်တာတွေလည်းပြုလုပ်နေကြတယ်လို့ စစ်တွေမြို့ခံတွေက ဆိုကြပါတယ်။
နောက်ပြီး စစ်တွေမြို့ပေါ်ရှိ အထပ်မြင့်
အဆောက်အအုံတွေ၊စာသင်ကျောင်းတွေ၊ဘာသာရေးဆိုင်ရာအဆောက်အ အုံတွေမှာလည်း စစ်ကောင်စီတပ်လက်
နက်ကိုင်တွေက ဝင်ရောက်တပ်စွဲစခန်း ချကင်းပုန်းဝပ်နေကြသလို မြို့ပေါ်နေ
အိမ်တချို့ကိုလည်း ရောင်းချတာတွေ
ပြုလုပ်နေကြတယ်လို့ စစ်တွေမြို့ခံတွေက ဆိုကြပါတယ်။
(ဓာတ်ပုံ-စစ်တွေမြို့၊မင်းဂံရပ်ကွက်မှာ
ဖြိုဖျက်ခံထားရတဲ့တိုက်အိမ်တစ်ဆောင်/CJ)
