ရန်ကုန်တိုင်း၊ လှည်းကူးမြို့နယ်က ဆင်ဖုန် မြောက် ကျေးရွာအနီးမှာရှိတဲ့ လယ်ကွင်းတခုမှာ ဖေဖော်ဝါရီလ ၂၁ ရက်၊မနက်ပိုင်းက ရှေ့ထွက်မိုင်း ၆ လုံးကို ရှာဖွေတွေ့ရှိခဲ့တယ်လို့ စစ်ကော်မရှင်တပ် ထုတ်ပြန်ပါတယ်။
အဲဒီဖြစ်စဉ်ဟာ ဒေသခံတွေရဲ့ သတင်းပေးချက်အရ နယ်မြေခံလုံခြုံရေးအဖွဲ့ဝင်တွေက သွားရောက်စစ်ဆေးရာကနေ ပေါ်ပေါက်ခဲ့တာဖြစ်ပြီး လယ်ကွင်းထဲမှာ အသင့်ထောင်ထားတဲ့ အနေအထားနဲ့ရှိနေတဲ့ PC ပိုက် အပြာရောင် နဲ့ ပြုလုပ်ထားတဲ့ ရှေ့ထွက်မိုင်း ၆ လုံးကို တွေ့ရှိခဲ့တာလို့ ဆိုပါတယ်။
အဲဒီတွေ့ရှိတဲ့ မိုင်းတွေကိုတော့ လုံခြုံရေးအဖွဲ့ဝင်တွေက အန္တရာယ်မရှိအောင် စနစ်တကျ သက်မဲ့ပြုလုပ် သိမ်းဆည်းခဲ့တယ်လို့ ဆိုပါတယ်။
အဲဒီ ဒီမိုင်းတွေဟာ CRPH၊ NUG နဲ့ PDF အဖွဲ့ဝင်တွေက အများပြည်သူဆိုင်ရာ အဆောက်အအုံတွေနဲ့ လမ်းတံတားတွေကို တိုက်ခိုက်ဖို့အတွက် ပြင်ဆင်ထားတာဖြစ်တယ်လို့ စွပ်စွဲပြောဆိုထားပါတယ်။
အဲဒါကြောင့် မိုင်းတွေတွေ့တဲ့ နေရာတဝိုက်ကို နယ်မြေရှင်းလင်းတာနဲ့စုံစမ်းစစ်ဆေးတာတွေ ဆက်လုပ်နေတယ်လို့ဆိုပါတယ်။
