Border News Agency
နေပြည်တော်၊ မတ် ၂၃။
အရှေ့အလယ်ပိုင်း စစ်ရေးပဋိပက္ခတွေကြောင့် ပြည်တွင်းမှာစက်သုံးဆီ ပြတ်လပ်မှုမရှိအောင်ဆိုပြီး လာမယ့်အပတ်ကစလို့ ဆီဝယ်ယူမှုကို QR စနစ်နဲ့ ကန့်သတ်တော့မယ်လို့ စွမ်းအင်ဝန်ကြီးဌာနကမတ်လ ၂၂ ရက်၊မနေ့ကသတိပေးထုတ်ပြန်ပါတယ်။
အခုစနစ်သစ်အရ မော်တော်ယာဉ်နဲ့ ဆိုင်ကယ်တွေကို အင်ဂျင်ပါဝါအလိုက် တပတ်ကို ဆီပမာဏ ဘယ်လောက်ဝယ်ရမယ်ဆိုတာ သတ်မှတ်ပေးသွားမှာပါ။
အဲဒီသတ်မှတ်ချက်ကို တပတ်မှာ တကြိမ်တည်းဖြစ်စေ၊အများဆုံး ၂ ကြိမ်ခွဲပြီးဖြစ်စေ Bar Code နဲ့ QR Code စနစ်အသုံးပြုပြီး ဝယ်ယူရမှာ ဖြစ်ပါတယ်။
မော်တော်ယာဉ်တွေအတွက် Bar Code Scan ဖတ်တာနဲ့ ဆိုင်ကယ်တွေအတွက် QR Code ထုတ်ပေးတဲ့စနစ်ကို လာမယ့်အပတ်ထဲမှာ အပြည့်အဝ စတင်အကောင်အထည်ဖော်မယ်လို့ ဆိုပါတယ်။
အခုလို ဆီခွဲတမ်းစနစ်ကြောင့် သွားလာရေး အခက်အခဲတွေ ရှိလာနိုင်တာကြောင့်ပြည်သူတွေကြား စိုးရိမ်မှုတွေ ထွက်ပေါ်နေပါတယ်။
