Border News Agency
မိုးမိတ်၊ ​ဧပြီ ၁၅ ။

​ဦးမင်းအောင်လှိုင်ဦးဆောင်တဲ့ အစိုးရသစ်ဖွဲ့စည်းလိုက်တဲ့အပေါ် ပလောင်ပြည်နယ်လွတ်မြောက်ရေးတပ်ဦး (PSLF/TNLA) ဘက်က သူတို့ရဲ့သဘောထားကို ဒီနေ့မှာ ဧပြီလ ၁၅ ရက်၊ ဒီနေ့ထုတ်ပြန်လိုက်ပါတယ်။

​တအာင်းတပ်မတော် (TNLA) အနေနဲ့ အရင်ကရရှိထားတဲ့ အပစ်အခတ်ရပ်စဲရေးဆိုင်ရာ ကတိကဝတ်တွေကိုဆက်ပြီးတော့ ထိန်းသိမ်းသွားမယ်လို့ ဆိုပါတယ်။

တရုတ်နိုင်ငံရဲ့ ကြားဝင်စေ့စပ်မှုနဲ့ ရရှိခဲ့တဲ့ဟိုင်ဂင်သဘောတူညီချက်အရ ၂၀၂၅ ခုနှစ်၊ အောက်တိုဘာလကလက်မှတ်ထိုးထားတဲ့ အပစ်ရပ်ရေးကိုဆက်ပြီး လိုက်နာသွားမယ်လို့လည်းဆိုပါတယ်။

​ဒါ့အပြင် လက်ရှိဖြစ်ပေါ်နေတဲ့ နိုင်ငံရေးပြဿနာတွေကို လက်နက်ကိုင်နည်းလမ်းထက် နိုင်ငံရေးနည်းလမ်းအတိုင်းငြိမ်းချမ်းစွာ ဆွေးနွေးအဖြေရှာနိုင်ဖို့ အထူးမျှော်လင့်တယ်လို့လည်း PSLF/TNLA က ထည့်သွင်းပြောဆိုထားပါတယ်။

​အစိုးရသစ်နဲ့အတူ ငြိမ်းချမ်းရေးလုပ်ငန်းစဉ်တွေမှာ ပူးပေါင်းဆောင်ရွက်ဖို့ အသင့်ရှိနေသလို၊ ဒေသတွင်းတည်ငြိမ်အေးချမ်းရေးအတွက် အစိုးရသစ်ရဲ့ လုပ်ဆောင်ချက်တွေကိုလည်း ဆက်လက်စောင့်ကြည့်သွားမယ်လို့ ဆိုပါတယ်။