Border News Agency
ပုဏ္ဏားကျွန်း၊ဇူလိုင် ၂။
အာရက္ခတပ်တော်(AA)ထိန်းချုပ်ထားတဲ့ပုဏ္ဏားကျွန်းမြို့နယ်ရှိစစ်ဘေးရှောင်တွေကို မြေနေရာချထားပေးနေတာတွေမှာတိုက်နယ်အုပ်ချုပ်ရေးမှူးတချို့ဘက်လိုက်မှုတွေရှိနေကြတယ်လို့ စစ်ဘေးရှောင်တွေက ဆိုကြပါတယ်။
အာရက္ခပြည်သူ့တော်လှန်ရေးအစိုးရဟာ ရန်ကုန်-စစ်တွေကားလမ်းမကြီးလ မ်းဘေးဝဲယာ ၇၅ ပေလမ်းချဲ့ခဲ့တာကြောင့် ကားလမ်းဘေးကစစ်ဘေးရှော င်တွေကို ပြောင်းရွှေ့ခဲ့ပါတယ်။
အဲဒီမိသားစုတွေ ပြန်လည်နေရာချထားရေးအတွက်မြေနေရာအကွက်ရိုက်ပြီး မဲစနစ်နဲ့စနစ်တကျစီစဉ်ပေးခဲ့ပါတယ်။
ဒါပေမယ့် မြေပြင်တိုက်နယ်အုပ်ချုပ်ရေးမှူးတချို့ဟာ သူတို့ဆွေမျိုးသားချ င်းတွေနဲ့သိကျွမ်းသူတွေကိုဘက်လိုက်လုပ်ပေးနေတယ်လို့ စစ်ဘေးရှောင်တွေက ဆိုကြပါတယ်။
“ကားလမ်းမ ဧရိယာသတ်မှတ်တာကို အပြစ်မပြောလိုပါဘူး။ဒါက အရင်ခေ တ်တုန်းကလည်း ရှိခဲ့တာပဲ။အစိုးရက ကျနော်တို့အတွက် မြေနေရာချပေးသ လိုရေတွင်း၊ရေကန်လည်း တူးပေးပါတ ယ်။အဲဒီလိုလုပ်ပေးတဲ့အခါမှာ ဒီတိုက်နယ်အုပ်ချုပ်ရေးမှူးတချို့ကဆွေမျိုးတွေ၊အသိတွေဘက်ကနေ ရပ်တည်တာတွေ ရှိနေတာပါ။”ဟု စစ်ဘေးရှောင်တဦးက Border News Agency ကိုပြောပါတယ်။
အဲဒီအကွက်ရိုက်မဲဖောက်ပေးရမှာဖြစ်ပေမယ့် တိုက်နယ်အုပ်ချုပ်ရေးမှူးတ ချို့ဟာ သူတို့နဲ့ခင်မင်ရင်းနှီးသူတွေကို မဲနှိုက်စရာမလိုဘဲ နေရာကောင်းတွေကို ကြိုတင်ဖယ်ပေးထားတာတွေ ရှိနေတယ်လို့ ဆိုကြပါတယ်။
အဲဒီလုပ်ရပ်တွေဟာ တော်လှန်ရေးအ စိုးရရဲ့မူဝါဒအပေါ် သွေဖည်ပြီးအော က်ခြေမှာ အဂတိလိုက်စားမှုတွေ ဖြစ်ပေါ်နေတာလို့လည်း အာရက္ခပြည်သူတွေက ထောက်ပြကြပါတယ်။
အဲဒီပုဏ္ဏားကျွန်းမြို့နယ်နေရာတချို့မှာ မဲနှိုက်ရမယ့် မြေကွက်တွေထဲက နေရာကောင်းတွေကို ပိုင်ရှင်ရှိပြီးသားဆိုတဲ့ အကြောင်းပြချက်နဲ့ ချန်ထားခဲ့ပြီး နောက်ပိုင်းမှသာ အုပ်ချုပ်ရေးပိုင်းနဲ့ ဆွေမျိုးတော်စပ်သူတွေအတွက် သီး သန့်ဖယ်ထားတာလို့ ဒေသခံတွေက ဆိုကြပါတယ်။
“ဒါမတရားမှုမြောက်တာပဲ။အဂတိလို က်စားတာလို့လည်း ဆိုနိုင်တာပေါ့။စစ်ဘေးရှောင်တွေနေဖို့ မြေကွက်ဆယ့်လေးကွက်ကို မဲနှိုက်တာ၊တကွက်ကိုကျမဲစာရင်းထဲမထည့်ဘူး။သူ့အမျိုးအတွက်ဆိုပြီးသီးသန့်ဖယ်ထားတယ်။ ဘာလို့ဖယ်ထားတာလဲမေးတော့ ပိုင်ရှင်ရှိပြီးသားတဲ့။စုံစမ်းကြည့်မှ သူတို့နဲ့ ဆွေမျိုးတော်စပ်နေမှန်း သိရတာပါ။” လို့ ပုဏ္ဏားကျွန်းမြို့နယ်မှ စစ်ဘေးရှောင်တဦးက Border News Agency ကိုပြောပါတယ်။
အဲဒီအပြင်တိုက်နယ်အုပ်ချုပ်ရေးမှူးတ ချို့နဲ့ဒုတိုက်နယ်အုပ်ချုပ်ရေးမှူးတချို့ဟာ သူတို့အသိဆွေမျိုးတွေနေရာရဖို့အတွက် သတ်မှတ်ချက်အတိုင်းနေကြတဲ့မိသားစုတွေကို မြေနေရာပြန်ဖယ်ခိုင်းတာထိလုပ်နေတယ်လို့ စစ်ဘေးရှောင်တွေက ဆိုကြပါတယ်
အာရက္ခပြည်သူ့တော်လှန်ရေးအစိုးရရဲ့ ကူညီပံ့ပိုးမှုအပေါ် စစ်ဘေးရှောင်တွေကျေးဇူးတင်ကြပေမယ့် အောက်ခြေတာဝန်ရှိသူတချို့ရဲ့မတရားမှုတွေကိုကြုံတွေ့ခံစားနေကြရတယ်လို့ စစ်ဘေးရှောင်တွေက ဆိုကြပါတယ်။
အဲဒါကြောင့် အာရက္ခပြည်သူ့တော်လှန်ရေးအစိုးရတာဝန်ရှိသူတွေထိန်းကျော င်းပေးစေလိုသလိုအဂတိကင်းစင်တဲ့အ စိုးရသာဖြစ်စေချင်တယ်လို့ စစ်ဘေးရှောင်တွေက ဆိုကြပါတယ်။
