Border News Agency
မင်းပြား၊ဇူလိုင် ၁၄။
အာရက္ခတပ်တော်ထိန်းချုပ်မြို့နယ်တ ချို့မှာ ရေကြီးပြီးသောက်သုံးရေကန် တွေရေလွှမ်းခဲ့တာမို့ ရေဘေးသင့်ပြည်သူတွေ သောက်သုံးရေ အကူအညီတွေ လိုအပ်နေကြတယ်လို့ အာရက္ခပြည်သူတွေက ဆိုကြပါတယ်။
အဲဒီသောက်သုံးရေကန်တွေထဲကရေတွေကို စုပ်ထုတ်လိုက်ရတာတွေအပါ အဝင်တခြားသောက်သုံးရေကန်တွေက သွားသယ်ယူနေကြရတာပါ။
ဒါပေမယ့်တချို့ကျေးရွာတွေမှာသွားသယ်ဖို့ဝေးလံသလို လမ်းပန်းဆက်သွ ယ်ရေးခက်ခဲနေတာမို့ သောက်သုံးရေ အကူအညီတွေလိုအပ်နေကြတာလို့ ဆိုကြပါတယ်။
”ကျနော်တို့ရွာမှာက ရေကန်တွေအကုန် လုံး ရွှံ့ရေတွေဖုံးသွားလို့သောက်လို့ လုံးဝမရတော့ဘူး။ အခုဆိုရင် သောက် ရေရဖို့ လှေနဲ့ မိနစ် လေးဆယ့်ငါး ခန့်ဝေးတဲ့တခြားနေရာတွေအထိ သွားခပ်နေရတယ်။ ရေကန်တွေကို အမြန်ဆုံးပြန်စုပ်ထုတ်ပြီး သန့်စင်ပေးမယ့်လူတွေနဲ့သောက်ရေသန့်တွေ အရေးပေါ် လိုယအပ်နေပါတယ်။”လို့ မင်းပြားမြို့နယ်ရှိရေဘေးသင့်ဒေသခံအမျိုးသားတဦးက Border News Agency ကို ပြောပါတယ်။
အဲဒီရေဘေးသင့်ကျေးရွာသားတွေဟာနေ့စဉ်သောက်သုံးရေရရှိရေးအတွက် လှေတွေနဲ့ဝေးလံတဲ့နေရာကို သွားရောက်သယ်ယူနေရပြီး ရေဘူးတွေမလုံ လောက်တဲ့ပြဿနာတွေနဲ့လည်း ကြုံနေရတယ်လို့ ဆိုကြပါတယ်။
အဲဒီအပြင် ရေဘေးဖြစ်ပြီးနောက်သော က်သုံးရေသန့်ရှင်းမှုမရှိတာကြောင့် ကလေးသူငယ်တွေနဲ့သက်ကြီးရွယ်အိုတွေမှာ ဝမ်းပျက်ဝမ်းလျှောရောဂါနဲ့အရေ ပြားရောဂါတွေကူးစက်ပြန့်ပွားလာမှာကို ပြည်သူတွေ စိုးရိမ်နေကြပါတယ်။
”အဓိကကတော့ ရေတွင်းရေကန်တွေ အကုန်လုံး ရေနစ်မြုပ်သွားခဲ့တာဆိုတော့ သန့်ရှင်းတဲ့ သောက်သုံးရေက အသက်တမျှအရေးကြီးနေတာပါ။ အခုလောလောဆယ် ကူညီကယ်ဆယ်ရေးအဖွဲ့တွေအနေနဲ့ဆေးဝါးနဲ့သောက်ရေသန့်ဗူးတွေကို ဦးစားပေး ဖြန့်ဝေပေးဖို့ လိုအပ်နေပါတယ်။”လို့ ဒေသတွင်း လူမှုကူညီရေးလုပ်ဆောင်နေသူတဦးကဆိုပါတယ်။
အဲဒီရေဘေးသင့်ကျေးရွာတွေရှိ သောက်ရေကန်တွေကို ပြန်လည်ပြုပြင်သန့်စင်ဖို့အတွက် ရေစုပ်စက်တွေနဲ့ရေသန့်ဆေးပြားတွေအရေးပေါ်လိုအပ်နေပြီး လမ်းပန်းဆက်သွယ်ရေးခက်ခဲမှုတွေကြောင့်အကူအညီတွေရောက်ဖို့ကြန့်ကြာမှုတွေရှိနေပါတယ်။
အဲဒါကြောင့် ရေဘေးသင့်ပြည်သူတွေသောက်သုံးရေ အဆင်ပြေစေရေးအတွက် ပြည်တွင်းပြည်ပအလှူရှင်တွေနဲ့လူသားချင်းစာနာထောက်ထားမှုဆိုင်ရာအဖွဲ့တွေ အရေးပေါ် ကူညီပံ့ပိုးပေးကြဖို့ ပြည်သူတွေတောင်းဆိုနေကြပါတယ်။
