Border News Agency
ရန်ကုန်၊ သြဂုတ် ၁၃။
ရန်ကုန်တိုင်း၊လသာမြို့နယ်၊၁၉ လမ်းနဲ့ လမ်း ၂၀ ရှိစားသောက်ဆိုင်တွေအပါအဝင် လမ်းဘေးဈေးဆိုင်အားလုံးကို တပတ်ပိတ်ခိုင်းထားပါတယ်။
အဲဒီလသာမြို့နယ်မှာ ဩဂုတ်လ ၁၂ ရက်နေ့ ည ၈ နာရီ စာရင်းအရ ဝမ်းပျက်ဝမ်းလျှောလူနာနှစ်ဆယ်ကိုးဦးရှိပြီး ဝမ်းပျက်ဝမ်းလျှောရောဂါပိုးတွေ့လူနာလေးဦးရှိပါတယ်။
အဲဒါကြောင့်လသာမြို့နယ်၊၁၉ လမ်းနဲ့ လမ်း ၂၀ ရှိစားသောက်ဆိုင်တွေနဲ့ လမ်းဘေးဈေးဆိုင်တွေတပတ်ပိတ်ခိုင်းထားတာပါ။
အဲဒီလသာ၊လမ်းမတော်နဲ့ ပန်းပဲတန်းစတဲ့မြို့နယ်တွေမှာ ဝမ်းပျက်ဝမ်းလျှောရောဂါအစုလိုက်ဖြစ်နေတာဖြစ်ပြီး အဲဒီသုံးမြို့နယ်ရှိလမ်းဘေးဈေးဆိုင်တွေနဲ့ စားသောက်ဆိုင်တွေကိုခေတ္တပိတ်ခိုင်းထားပါတယ်။
အဲဒီအပြင် ကျောက်တံတားမြို့နယ်က လမ်းဘေးမှာဆိုင်တွေကိုလည်း ငါးရက်ပိတ်ထားဖို့ညွှန်ကြားထားပါတယ်။
