Border News Agency
ချင်းမိုင်၊ အောက်တိုဘာ ၂ဝ။
ထိုင်းနိုင်ငံမြောက်ပိုင်း ၊ချင်းမိုင်မြို့ ရထားဘူတာမှာ အောက်တိုဘာလ ၁၉ ရက်နေ့က မြန်မာနိုင်ငံသား နှစ်ဆယ့်ခုနှစ်ဦးအပါအဝင် သံသယရှိသူသုံးဆယ်ငါးဦးကို ထိုင်းရဲတပ်ဖွဲ့ကဖမ်းဆီးခဲ့ပါတယ်။
ချင်းမိုင်ရထားဘူတာရဲ့ ပလက်ဖောင်းတွေမှာ အောက်တိုဘာလ ၁၉ ရက်၊ မနက် ၆ နာရီအချိန်ခန့်က ရဲတပ်ဖွဲ့မှပိတ်ဆို့ရှာဖွေခဲ့ပြီး ဥပဒေချိုးဖောက်မှုနဲ့ သံသယရှိသူသုံးဆယ်ငါးဦးကို ဖမ်းဆီးခဲ့တာပါ။
ဖမ်းဆီးရမိတဲ့အထဲ သက်တမ်းကုန်လွန်နေထိုင်မှုနဲ့ မြန်မာနိုင်ငံသားနှစ်ဆယ့်ခုနှစ်ဦး၊ တရားမဝင် ဝင်ရောက်နေထိုင်မှုတွေနဲ့ တရုတ်နိုင်ငံသားနှစ်ဦး၊ တရားမဝင် ဝင်ရောက်လာသူ နိုင်ငံခြားသားတွေေ ကူညီပေးမှုနဲ့ ထိုင်းနိုင်ငံသားလေးဦးတို့ကို ဖမ်းဆီးခဲ့တာဖြစ်ပါတယ်။
သံသယရှိသူတွေကို အုပ်စုသုံးစုခွဲခြားထားပြီး ဥပဒေအရအရေးယူဖို့ သက်ဆိုက်ရာရဲစခန်းကိုလွှဲပြောင်းထားပါတယ်။
အဲဒီမဲဆောက်မြို့နယ်၊ မာရဝေ(Maruai) မှာ အောက်တိုဘာလ ၁၉ ရက်နေ့ကလည်း တရားမဝင်နေထိုင်နေကြတဲ့ မြန်မာနိုင်ငံသားဆယ့်ရှစ်ဦးထက်မနည်းထပ်မံဖမ်းဆီးခဲ့ရပါတယ်။
