Border News Agency
ကျုံဒိုး၊ ဇူလိုင် ၁၄။
ဒူးပလာယာခရိုင်၊ကျုံဒိုးမြို့နယ်၊ မြောက်ကြာအင်းကျေးရွာကို စစ်ကောင်စီတပ်လက်နက်ကြီးပစ်ခတ်လို့ လသားအရွယ်ကလေးငယ်တဦးအပါအဝင် က လေးငယ်လေးဦး ဒဏ်ရာရသွားတယ်လို့ ကရင်အမျိုးသားအစည်းအရုံးမှ ဇူလိုင်လ ၁၄ ရက်၊ဒီနေ့ထုတ်ပြန်ပါတယ်။
စစ်ကောင်စီတပ်ဟာ ဇူလိုင်လ ၁၀ ရက်၊ညနေ ၅ နာရီ ၃၀ မိနစ်အချိန်ခန့်က တပ်သစ်အမြောက်ကုန်းမှ ၁၂၀ မမ လေကွဲ လက်နက်ကြီးပစ်ခတ်လိုက်တာလို့ဆိုပါတယ်။
အဲဒီပစ်ခတ်မှုကြောင့် မြောက်ကြာအင်းကျေးရွာ၊ကုန်းမြင့်သာယာရပ်ကွက်ရှိ ကလေးငယ်လေးဦးဒဏ်ရာရသွားတာလို့ဆိုပါတယ်။
အဲဒီအသက်ဆယ်လအရွယ်ကလေးငယ်တဦးမှာ နှဖူးကျည်စထိမှန်ဒဏ်ရာရသွားသလိုအသက်နှစ်နှစ်ကျော်အရွယ်ယောကျ်ားလေးတဦးမှာ ဘယ်ဘက်ကျောကုန်းနဲ့ ဘယ်ဘက်လက်ယမ်းမှာ ဒဏ်ရာရသွားတယ်လို့ဆိုပါတယ်။
အဲဒီအပြင်အသက်လေးနှစ်အရွယ်မိန်း ကလေးငယ်တဦးမှာ ညာဘက်နားထင်မှာဒဏ်ရာရသွားပြီး အသက်ဆယ်နှစ်အရွယ်မိန်းကလေးတစ်ဦးမှာ ညာဘက်နားထင်နဲ့ဘယ်ဘက်ဒူးခေါင်းမှာ ဒဏ် ရာရသွားတယ်လို့ ဆိုပါတယ်။
စစ်ကောင်စီတပ်ဟာ အပြစ်မဲ့ပြည်သူတွေရဲ့ နေအိမ်တွေ၊ဘာသာရေးအဆောက်အဦတွေ၊အဆောက်အဦတွေကို ပစ် မှတ်ထားတိုက်ခိုက်နေသလို ပြည်သူတွေကို အကြောက်တရားဖြစ်အောင် ရွယ်ရည်ချက်ရှိရှိပြုလုပ်နေတယ်လို့ဆိုပါတယ်။
