Border News Agency
စစ်တွေ၊ မတ်လ ၃။
စစ်တွေ-ပုဏ္ဏားကျွန်းအစပ်၊ ကုလားတန်မြစ်ထွက်ဝကိုထိန်းချုပ်ထားတဲ့ စစ်တွေမြို့နယ်၊ ရွှေမင်းဂံရှိစစ်ကော်မရှင်တပ်ရဲ့အမှတ် ၃ ရေတပ်ဗျူဟာကို အာရက္ခတ ပ်တော်(AA)ထိုးစစ်ဆင်တိုက်ခိုက်နေပါတယ်။
အဲဒီရွှေမင်းဂံအမှတ် ၃ ဗျူဟာစစ်ရေ ယာဉ်စုတပ်ရင်းနေရာအပါအဝင် စစ်တွေမြို့နယ်ကိုဝင်ရောက်လာနိုင်တဲ့ပု ဏ္ဏားကျွန်းမြို့နယ်အစပ်နေရာအားလုံးမှာစစ်ကော်မရှင်တပ်ဟာ ရေတပ်စစ်သ င်္ဘောတွေ၊အထိုင်ခံစစ်တွေအခိုင်အမာ ပြုလုပ်ခုခံနေပါတယ်။
အဲဒီနေရာတွေမှာစစ်ကော်မရှင်တပ်ဖွဲ့ဝင်အင်အားထောင်ချီဖြည့်တင်းခံစစ်အခိုင်အမာပြုလုပ်ထားပြီအာရက္ခတပ်တော်ထိုးစစ်ကို ကြည်း၊ရေ၊လေပူးပေါ င်းခုခံနေပါတယ်။
ဒါပေမယ့်အာရက္ခတပ်တော်ဟာစစ်တွေမြို့နယ်မှာအခိုင်အမာခြေကုတ်ယူထားပြီးအပြင်းအထန်ထိုးစစ်ဆင်တိုက်ခိုက်နေတာမို့ တိုက်ပွဲတွေပိုပြင်းထန်လာနိုင်တယ်လို့ စစ်ကော်မရှင်တပ်အ သိုင်းအဝိုင်းက ဆိုကြပါတယ်။
“တပ်ဖွဲ့ဝင်အင်အားထောင်ချီဖြည့်ထားပါတယ်။ကြည်းရေလေပူပေါင်းထားပါတယ်။ အေအေကလည်းအပြင်းအထန်လာတိုက်နေပါတယ်။တိုက်ပွဲတွေက တော့ပိုပြင်းလာမှာပါပဲ။” လို့ စစ်တွေမြို့ နယ်မှစစ်ကော်မရှင်တပ်ဖွဲ့ဝင်တဦးက Border News Agency ကို ပြောပါတယ်။
အဲဒီစစ်တွေမြို့၊ပွိုင့်ကမ်းခြေအနီးရှိ အ မှတ် ၃ ဗျူဟာစစ်ရေယာဉ်စုကို အနော က်ပိုင်းရေတပ်ကွပ်ကဲမှုဌာနချုပ်အဖြစ်တိုးမြင့်ထားသလို ဗိုလ်ချုပ်အဆင့်ရေတပ်အရာရှိကဦးဆောင်ကွပ်ကွဲနေပြီး အရာရှိစစ်သည်တထောင်နီးပါးထိအင်အားဖြည့်ထားတယ်လို့ စစ်ကော်မရှင်တပ်အသိုင်းအဝိုင်းက ဆိုကြပါတယ်။
အဲဒီအမှတ် ၃ ဗျူဟာစစ်ရေယာဉ်စုကို စစ်တွေမြို့နယ်၊ရွှေမင်းဂံသို့ပြောင်းဖွင့်လိုက်ပြီး စစ်ကော်မရှင်တပ်စစ်သည်ငါးရာထိအင်အားဖြည့်ထားသလိုရေ တပ်စစ်သင်္ဘောကြီးတွေလည်း ထပ်ဖြည့်ထားတာပါ။
အဲဒီရေတပ်အထိုင်တပ်ရင်းတွေမှာဒရု န်းတပ်ဖွဲ့တွေ၊လက်နက်ကြီးတပ်ဖွဲ့တွေလည်းပါဝင်ပြီး ဒရုန်းနဲ့ကင်းထောက်တာတွေနေ့စဥ်ပြုလုပ်ကြသလို ဒရုန်းဗုံးချတာတွေ၊လက်နက်ကြီးပစ်ခတ်တာတွေလည်း ပြုလုပ်နေပါတယ်။
အဲဒီအနောက်ပိုင်းရေတပ်ကွပ်ကဲမှုဌာန ချုပ်မှာ စစ်ရေယာဥ်ကြီးငယ်သုံးဆယ့်ငါးစင်းသာရှိခဲ့ပေမယ့် အစင်းရေငါးဆ ယ်ထိအင်အားဖြည့်ထားသလို ဒရုန်းအထူးတပ်ဖွဲ့တွေ၊အထူးစစ်ဆင်ရေးတပ်ဖွဲ့တွေပူးပေါင်းဖြည့်တင်းထားပြီး ကမ်း တက်စစ်ဆင်ရေးပြုလုပ်ဖို့ စစ်သည်၊ လက်နက်၊ ရိက္ခာဖြည့်တင်းထားတယ်လို့စစ်ကော်မရှင်တပ်အသိုင်းအဝိုင်းက ဆိုကြပါတယ်။
အဲဒီအနောက်ပိုင်းရေတပ်ကွပ်ကဲမှုဌာန ချုပ်၊ရွှေမင်းဂံအမှတ် ၃ ဗျူဟာစစ်ရေ ယာဉ်စုအပါအဝင်စစ်တွေမြို့နယ်ပတ်ပတ်လည်ပင်လယ်ပြင်၊ စစ်တွေဒေသကွပ်ကွဲမှုစစ်ဌာနချုပ်လက်အောက်ခံတပ်တွေစုပေါင်းပြီး စစ်တွေမြို့နယ်ကုန်း၊ရေနှစ်ခုမှာစစ်ကော်မရှင်တပ်အင်အားတသောင်းကျော်ခန့်ထိဖြည့်တင်းထားပြီးလို့ Border News Agency က စုံစမ်းသိရှိရပါတယ်။
အဲဒါကြောင့် စစ်တွေမြို့နယ်ပတ်ပတ် လည်ပင်လယ်ပြင်မှာ ရေတပ်စစ်သ င်္ဘောအများဆုံးတပ်ဖြန့်ချထားသလို ကင်းထောက်တာတွေ၊ကင်းလှည့်တာတွေ အဓိကပြုလုပ်နေတာပါ။
ဒါပေမယ့် အာရက္ခတပ်တော်ထိုးစစ်ကိုတာရှည်ခုခံနိုင်မှာမဟုတ်သလိုမြို့နယ်ပတ်ပတ်လည်ခံစစ်တွေဟာလည်းဆု တ်ခွာထွက်ပြေးတေကြရတာမို့ မြို့တွ င်းတိုက်ပွဲတွေဖြစ်လာနိုင်တယ်လို့စစ်ရေးလေ့လာစောင့်ကြည့်တေကြသူတွေက ဆိုကြပါတယ်။
“စစ်တပ်ကမြို့ပတ်ပတ်လည်ကိုအခိုင် အမာထံစစ်ကြီးတွေတည်ဆောက်ထားတာပါ။ အဓိကတော့ အေအေကခြေကုတ်ယူလို့မရအောင်ပြင်ဆင်ထားတာပါ။ဒါပေမယ့်အေအေကစစ်တွေမှာခြေကုတ်ယူရသွားပြီလို့မြင်ပါတယ်။ဒါဆိုရင်မြို့တွင်းတိုက်ပွဲတွေဖြစ်လာတော့မှာပါ။ ဒကစကိုအရင်တိုက်မလား။ မြို့ကိုအရင်သိမ်းမလား။ စောင့်ကြည့်ရပါမယ်။” လို့ စစ်ရေးလေ့လာစောင့်ကြည့်နေသူတဦးက Border News Agency ကို ပြောပါတယ်။
အဲဒါကြောင့်စစ်ကော်မရှင်တပ်ဟာ အာရက္ခတပ်တော်ထိန်းချုပ်ထားတဲ့ပုဏ္ဏားကျွန်း၊ပေါက်တော၊ရသေ့တောင်စတဲ့မြို့နယ်တွေကို ကြည်း၊ရေ၊လေပူးပေါ င်းပသ်ခတ်တာတွေအပြင်းအထန်ပြု လုပ်နေပါတယ်။
အဲဒီအပြင်စစ်တွေမြို့နယ်မှတိုက်ပွဲနေ ရာတွေကိုလည်း ကြည်း၊ရေ၊လေပူးပေါ င်းခုခံနေသလို စစ်ကော်မရှင်တပ်ခံစစ်နေရာတွေအနီးထိပေါင်ငါးရာဗုံးတွေပ စ်ခတ်ခုခံနေတယ်လို့ စစ်တွေမြို့ခံတွေက ဆိုကြပါတယ်။
“မနေ့ကလည်းပစ်ခတ်သံတွေအကျယ်ကြီးကြားရပါတယ်။ အိမ်တွေတောင်လှုပ်သွားပါတယ်။ စစ်တပ်ကပေါင်းငါးရာဗုံးတွေလာကြဲသွားတာပါ။ ဆတ်ရိုးကျချောင်းတဖက်ကမ်းကကြားရတာပါ။ ရွှေမင်းဂံဖက်လား။ သုံးဆောင်ရွာဖက်လားသေချာမသိပါ။ တချို့က တော့ဗျိုင်းဖြူရွာကိုချတာလို့ပြောနေကြပါတယ်။” လို့ စစ်တွေမြို့ခံတဦးကBorder News Agency ကို ပြောပါတယ်။
စစ်ကော်မရှင်တပ်ရဲ့ဒေသကွပ်ကွဲမှုစစ် ဌာနချုပ်တည်ရှိရာပြည်နယ်မြို့တော်စစ်တွေကို အာရက္ခတပ်တော်ကစစ်ရေးအရခြိမ်းခြောက်ထားသလိုထိုးစစ်ဆင်တိုက်ခိုက်တာတွေအပြင်းအထန်ပြု လုပ်နေတာပါ။
အဲဒီစစ်တွေမြို့မှာအိန္ဒိယနိုင်ငံရဲ့ကု လားတန်ဘက်စုံစီမံကိန်းဆိပ်ကမ်းတည်ရှိသလို ဘင်္ဂလားပင်လယ်အော်ထွက်ပေါက်ကိုလည်း စစ်ကော်မရှင်ရေတပ်စစ်သင်္ဘောကြီးတွေ ထိန်းချုပ်ထားပါတယ်။
အဲဒီအပြင်ရခိုင်ပြည်နယ်လွှတ်တော်တ ည်ရှိပြီး မကြာခင်လွှတ်တော်ခေါ်ယူတော့မှာမို့ အာရက္ခတပ်တော်ကထိုးစစ်ဆင်သိမ်းယူတာတွေပြုလုပ်လာနိုင်ရင်လွှတ်တော်ခေါ်ယူတာတွေလည်းပျက်သွားနိုင်တယ်လို့ ဆိုကြပါတယ်။
အဲဒီရွှေမင်းဂံအမှတ် ၃ ဗျူဟာစစ်ရေ ယာဉ်စုတပ်ရင်းသိမ်းတိုက်ပွဲတွေမှာအာရက္ခတပ်တော်ရဲ့ရေတပ်အမြန်ရေယာဥ်တွေလည်းပါဝင်တိုက်ခိုက်နေတာမို့စစ်ကော်မရှင်တပ်ဖွဲ့ဝင်တွေ သေဆုံးဒဏ် ရာရသူတွေများနေတယ်လို့ ဆိုကြပါတယ်။
