Border News Agency
တဟီရန်၊ မတ် ၃။
အမေရိကန်နဲ့ အစ္စရေးလေတပ်ပူးပေါင်းပြီး အီရန်မြို့တော်တဟီရန်ကို ဗုံးအလုံးပေါင်းရာနဲ့ချီ အသုံးပြုကာ အပြင်းအထန် ဗုံးကြဲတိုက်ခိုက်နေတယ်လို့ဒေသတွင်းမီဒီယာတွေနဲ့ ပြည်သူတွေကဆိုကြပါတယ်။
အဲဒီတိုက်ခိုက်မှုကြောင့် နာမည်ကျော် ဂန္ဒီဆေးရုံကြီး ဗုံးတိုက်ရိုက်ထိမှန်ပြီး အဆောက်အဦတွေ ပြိုကျပျက်စီးသွားသလို လူနာတွေနဲ့ ဝန်ထမ်းတွေလည်း ပိတ်မိနေတယ်လို့ သိရပါတယ်။
ဒါ့အပြင် နားမတ်ခ်နဲ့ ရှာရီယာတီလမ်းမနားက လူနေရပ်ကွက်တွေမှာလည်း ဗုံးတွေကျခဲ့လို့ အိမ်တွေနဲ့ ကားတွေ ပျက်စီးကုန်ပြီး တမြို့လုံးလည်း တုန်ခါသွားခဲ့တယ်လို့ဆိုပါတယ်။
အမေရိကန်ဘက်ကတော့ အီရန်ရဲ့ ဒုံးကျည်စခန်းတွေကို ရှင်းပစ်ဖို့ တိုက်ခိုက်တာလို့ ဆိုပေမယ့် လက်ရှိမှာတော့ အရပ်သားတွေနေတဲ့ နေရာတွေပါ ထိခိုက်ကုန်လို့ ဒေသခံတွေ အရမ်းကို စိုးရိမ်ထိတ်လန့်နေကြပါတယ်။
အခုလောလောဆယ် တဟီရန်မြို့ပေါ်မှာ မီးခိုးလုံးကြီးတွေ ဖုံးနေပြီး လေကြောင်းရန်သတိပေးဥဩသံတွေလည်း တောက်လျှောက်မြည်နေတယ်လို့ဆိုပါတယ်။
