Border News Agency
နေပြည်တော်၊စက်တင်ဘာ ၁။
မြန်မာနိုင်ငံမှာ ၂၀၂၅ ခုနှစ်အတွင်း ခုအချိန်ထိ ကျန်းမာရေးစောင့်ရှောက်မှုတွေအပေါ် တိုက်ခိုက်ခံရမှု သိသိသာ သာမြင့်တက်လာနေတယ်လို့ ကုလသမ ဂ္ဂရဲ့ဂျီနီဗာအခြေစိုက်ကျန်းမာရေးက ဏ္ဍဆိုင်ရာ ပူးပေါင်းဆောင်ရွက်ရေးအ ဖွဲ့ (Health Cluster)က စက်တင်ဘာလ ၁ ရက်၊ဒီနေ့ထုတ်ပြန်ပါတယ်။
အဲဒီလိုတိုက်ခိုက်မှုပေါင်း ၂၀၂၅ ဇန်န ဝါရီလမှ ဩဂုတ်လ ၃၁ ရက်နေ့ထိ ၁၆၉ ခုထိရှိလာနေပြီး အဲဒီအထဲက ၄၈ ကြိမ်ဟာ ဇူလိုင်လ ၁၇ ရက်နေ့မှ ဩဂုတ် ၃၁ ရက်နေ့အတွင်းဖြစ်ပွားခဲ့တာလို့ဆိုပါတယ်။
အဲဒီတိုက်ခိုက်မှုအများစုဟာ ရခိုင်၊စစ်ကိုင်း၊မန္တလေးနဲ့ရှမ်းဒေသတွေမှာ ဖြစ် ပွားခဲ့တာလို့ဆိုပါတယ်။
ကမ္ဘာ့ကျန်းမာရေးအဖွဲ့ရဲ့ကျန်းမာရေးစောင့်ရှောက်မှုအပေါ် တိုက်ခိုက်မှုတွေကိုစောင့်ကြည့်လေ့လာတဲ့ စနစ် (SSA) ရဲ့မှတ်တမ်းတွေအရ ခုနှစ်အတွက် ဩ ဂုတ်လ ၃၁ ရက်နေ့ထိတိုက်ခိုက်မှုပေါ င်း ၃၈ ခုကို အတည်ပြုထားနိုင်တယ်လို့လည်းဆိုပါတယ်။
ဒီဖြစ်စဉ်တွေအတွင်း သေဆုံးသူ ၇၇ ဦးနဲ့ထိခိုက်ဒဏ်ရာရသူ ၉၀ ထိ ရှိနေတယ်လို့လည်းဆိုပါတယ်။
ကျန်းမာရေးစောင့်ရှောက်မှုပေးနေတဲ့ဝန်ထမ်းတွေကို ဖမ်းဆီးတာ၊ကျန်းမာ ရေးမိတ်ဖက်အဖွဲ့တွေကို မလိုအပ်ဘဲမေးမြန်းစစ်ကြောတာတွေကြောင့် တ ချို့မိတ်ဖက်အဖွဲ့တွေဟာ တီဘီနဲ့ အိပ်ချ်အိုင်ဗွီရောဂါနဲ့ပတ်သက်တဲ့ဝန်ဆော င်မှုတွေကို တိုက်ရိုက်ပေးခွင့်မရတော့ဘူးလို့လည်းဆိုပါတယ်။
ငှက်ဖျားရောဂါဟာ သတင်းအများဆုံးရရှိတဲ့ကူးစက်ရောဂါအဖြစ် ဆက်လ က်တည်ရှိနေပြီး ကရင်နီပြည်မှာ ငှက် ဖျားရောဂါဖြစ်ပွားမှုနှုန်း ရုတ်တရက်မြင့်တက်လာနေတယ်လို့လည်း ဆိုပါတယ်။
ရခိုင်ဒေသရှိ စစ်ဘေးရှောင်စခန်းတွေမှာလည်း ဝမ်းပျက်ဝမ်းလျှောရောဂါနဲ့ ဝဲရောဂါအပါအဝင် အရေပြားရောဂါတွေဖြစ်ပွားနေတယ်လို့ဆိုပါတယ်။
