Border News Agency
ရန်ကုန်၊ စက်တင်ဘာ ၁၀။
နွေဦးတော်လှန်ရေးတပ်တွေရဲ့ NCO (အကြပ်)သင်တန်းကို အာရက္ခတပ်တော််(AA)မှ ဦးဆောင်သင်ကြားပေးခဲ့တယ်လို့ဗမာပြည်သူ့လွတ်မြောက်ရေးတပ်တော်က စက်တင်ဘာလ ၁၀ ရက်၊ ဒီနေ့ထုတ်ပြန်ပါတယ်။
အဲဒီ ဗမာပြည်သူ့လွတ်မြောက်ရေးတပ်တော်(BPLA)ရဲ့NCO(အကြပ်)သင်တန်း၊ အပတ်စဥ် ၂ သင်တန်းဆင်းပွဲကို စက် တင်ဘာလ ၂ ရက်နေ့မှာအမှတ် (၁၀၇) စစ်ဒေသမှာ ပြုလုပ်ကျင့်ပခဲ့တယ်လို့ ဆိုပါတယ်။
အံဒီသင်တန်းဟာ သင်တန်းကာလ ၅ လအထိအာရက္ခတပ်တော်(AA)မှ လေ့ကျင့်သင်ကြားပေးခဲ့တာဖြစ်ပြီး သင် တန်းအစမှာ သင်တန်းသား၊သင်တန်းသူ ၆၆ ဦးတက်ရောက်ခဲ့ပေမယ့် ၅၀ ဦးသာ သင်တန်းပြီးဆုံးအောင်မြင်ခဲ့တယ်လို့ဆိုပါတယ်။
အဲဒီသင်တန်းဆင်းပွဲကို ဗမာပြည်သူ့လွတ်မြောက်ရေးတပ်တော်(BPLA) အပါအဝင် Force For Federal Democracy (FFD)၊ ရန်ကုန်တိုင်းပြည်သူ့ကာကွယ်ရေးတပ်ဖွဲ့ (၁)၊သေမင်းတမန်(HOD-PDF)၊ပကဖ(ကဝ)နဲ့ ပကဖ(အင်းတကော်)စတဲ့ မဟာမိတ်တပ်ရင်းတပ်ဖွဲ့တွေမှသင်တန်းသူ၊သင်တန်းသားတွေလည်း တက်ရောက်ခဲ့ကြတယ်လို့ဆိုပါတယ်။
အဲဒီသင်တန်းဆင်းပွဲကိုကရင်အမျိုးသားလွတ်မြောက်ရေးတပ်မတော်(KNLA)၊ တပ်မဟာ(၅) တပ်မဟာမှူးနဲ့ အာရက္ခတပ်တော်(AA)မှ တပ်မှူးတွေအပါအဝင် အခြားမဟာမိတ်ခေါင်းဆောင်တွေလည်း တက်ရောက်ခဲ့ကြတယ်လို့ဆိုပါတယ်။
