Border News Agency
နီပေါ၊ ဩဂုတ် ၃၀။
နီပေါနဲ့တရုတ်နယ်စပ် တိဘက်မှာ သြဂုတ်လ ၂၆ ရက်နေ့က ပြင်းထန်တဲ့ ရုတ်တရက်ရေကြီးရေလျှံမှုကြောင့် သေဆုံးသူဦးရေအနည်းဆုံး ၇၃၄ ဦးအထိမြင့်တက်လာပြီလို့ နီပေါသဘာဝဘေးအန္တရာယ် ဆိုင်ရာ အာဏာပိုင်အဖွဲ့ကထုတ်ပြန်ပါတယ်။
အဲဒီကပ်ဘေးသင့်မှုအတွင်း လက်ရှိအချိန်အထိ ပျောက်ဆုံးနေသူပေါင်း ၂,၄၉၈ ဦးအထိ ရှိနေသေးတာကြောင့် သေဆုံးသူအရေအတွက် ထပ်မံမြင့်တက်လာနိုင်တယ်လို့ဆိုပါတယ်။
ဟိမဝန္တာတောင်တန်းရှိ ရေခဲတောင်အစိတ်အပိုင်းအချို့ ပြိုကျခဲ့ရာမှ လှိုင်းလုံးကြီးတွေအဖြစ် မြစ်ကြောင်းတွေအတွင်းစီးဝင်ခဲ့ပြီး နီပေါနဲ့ တိဘက်နယ်စပ်ဒေသတွေမှာ ပြင်းထန်တဲ့ရေကြီးရေလျှံမှုတွေဖြစ်ပွားခဲ့တာပါ။
အဲဒီဘေးအန္တရာယ်ကြောင့် လမ်းတံတားတွေပျက်စီးကာ အဆက်အသွယ်ပြတ်တောက်နေတဲ့ ဒေသတွေသို့ ကယ်ဆယ်ရေးအဖွဲ့တွေက အခက်အခဲကြားမှ ဆက်လက်သွားရောက်နေကြပါတယ်။
ခုလက်ရှိမှာတော့ သက်ဆိုင်ရာအာဏာပိုင်တွေနဲ့ နိုင်ငံတကာအကူအညီပေးရေးအဖွဲ့အစည်းတွေပူးပေါင်းကာ ပျောက်ဆုံးနေသူတွေကိုရှာဖွေရေးနဲ့ ကယ်ဆယ်ရေးလုပ်ငန်းတွေကို ဆက်လုပ်နေကြပါတယ်။
