အင်တာဗျူး
Border News Agency
မြောက်ဦး၊စက်တင်ဘာ ၄။
အာရက္ခတပ်တော်(AA)ထိန်းချုပ်ထားတဲ့ ကျောက်တော်မြို့နယ်ထဲက ဒီလပ်တပ်ဖွဲ့ဝင်ခုနှစ်ဦးအပါအဝင် မူးယစ်ဆေးဝါးသုံးစွဲမှုရောင်းဝယ်ဖောက်ကားမှုတွေနဲ့အမျိုးသား၊ အမျိုးသမီးခုနှစ်ဆယ်ခုနှစ်ဦးကို ဇူလိုင်လကရက္ခိုင်အမျိုးသားအဖွဲ့ချုပ်/အာရက္ခတပ်တော်(ULA/AA)ဖမ်းဆီးခဲ့ပါတယ်။
အဲဒီအထဲကကျောင်းသားလူငယ်တဆယ့်ကိုးဦးကို သြဂုတ်လ ၁၁ ရက်နေ့မှာမိသားစုတွေဆီ တရားဝင်ပြန်အပ်ပေးခဲ့သလို နောက်ထပ်ပြန်လွှတ်ပေးတာတွေလည်းရှိပါတယ်။
ဒါပေမယ့် ကျန်တဆယ့်ခုနှစ်ဦးကိုတော့ပြန်မလွှတ်ပေးသေးသလို မိသားစုဝင်တွေအဆက်အသွယ်မရကြတာမို့ စက်တင်ဘာလ ၃ ရက်၊မနေ့က မိသားစုဝင်တွေ သတင်းစာရှင်းလင်းပွဲလုပ်ခဲ့ကြပါတယ်။
အဲဒီအထဲကမိသားစုဝင်တဦးရှင်းပြတာကို Border News Agency ကို ဖော်ပြလိုက်ပါတယ်။
“ကျမမှာသားတယောက်လည်းလမ်းမှာသွားနေရင်းပျောက်သွားပါတယ်။ ပြည်တော်သာကနေဖမ်းသွားတယ်လို့ပြောပါတယ်။”
“သားကအိမ်ကိုမရောက်လို့ စုံစမ်းကြည့်တဲ့အခါ ရပ်ရွာအုပ်ချုပ်ရေးမှူးက အစ်မရဲ့သားလည်းစစ်မှုထမ်းပါသွားပြီလို့ပြောပါတယ်။ အဲဒီအချိန်မှ သိလိုက်ရတာပါ။”
“သူ့အဖေဖြစ်သူကလည်း သင်တန်းလေးဆယ်ငါးရက်ပါလို့ရှိပါတယ်။ သားကတော့ အခုခုနှစ်ဆယ်ကျော်ဖမ်းတဲ့အထဲပါသွားတာပါ။
“သူ့အဖေကတော့ စစ်မှုထမ်းပါသွားတာပါ။ ရှေ့လ ၈ လပိုင်းကနေပါသွားတာပါ။”
“အသက်ကတော့ ခြောက်ဆယ်ကျော်နေပါပြီ။ အခုကကျမသားနဲ့အတူကျန်ကလေးတွေကိုလည်းလွတ်စေချင်တာပါ။”
“ရှေ့ရက်တွေကလည်း လွတ်လာတဲ့မိန်းကလေးတွေရှိပါတယ်။ သူတို့လွတ်လာတဲ့အထဲမှာလည်း ဒီတဆယ့်ခုနှစ်ယောက်ကမပါပါဘူး။ ဒီလပ်ဆီကရှစ်ယောက်ကလွတ်လာပါပြီ။”
