Border News Agency
မောင်တော၊ စက်တင်ဘာ ၂၀။
အာရက္ခတပ်တော်(AA)ထိန်းချုပ်ထားတဲ့ အာရက္ခ-ဘင်္ဂလားဒေ့ရှ်နယ်စပ်တလျှောက်မောင်တောခရိုင်မှာလုံခြုံရေးတိုးမြှင့်သွားမယ်လို့ အာရက္ခတပ်တော် (AA)က စက်တင်ဘာ ၁၉ ရက်၊ မနေ့က ထုတ်ပြန်ပါတယ်။
အဲဒီနေရာတွေမှာ အစ္စလာမ်မစ်အစွန်းရောက်အဖွဲ့တွေ့ဟာ ဥပဒေချိုးဖောက်တာတွေ၊ အကြမ်းဖက်မှုတွေ ကျူးလွန်နေကြတာမို့ အာရက္ခတပ်တော်က လုံခြုံရေးတိုးမြှင့်သွားမယ်လို့ ဆိုပါတယ်။
အာရက္ခတပ်တော်ဟာ သူတို့ထိန်းချုပ်ထားတဲ့နယ်မြေတွေမှာပြည်သူ့ဝန်ဆော င်မှုတွေ၊လုံခြုံရေးတွေကိုတာဝန်ယူဆောင်ရွက်ရင်းစစ်အုပ်စုရဲ့တန်ပြန်ထိုးစစ်တွေကိုလည်း ခုခံစစ်ဆင်နွှဲနေရတယ်လို့ဆိုပါတယ်။
အဲဒါကြောင့် ဘင်္ဂလားဒေ့ရှ်နယ်စပ်တလျှောက်နဲ့မောင်တောခရိုင်နေရာတချို့မှာ လုံခြုံရေးအချိန်ပြည့်မဆောင်ရွက်နိုင်တာကို အခွင့်ကောင်းယူပြီး အစ္စလာမ်မစ်အစွန်းရောက်အဖွဲ့တွေ့ဟာနတ်မြစ်နဲ့မယူတောင်လမ်းကြောင်းတွေကတဆင့် မောင်တောခရိုင်ထဲကို စိမ့်ဝင်လာတယ်လို့ ဆိုပါတယ်။
အဲဒီအပြင် လူသူကင်းဝေးတဲ့တောတောင်တွေနဲ့လူပြတ်တဲ့နေရာတွေမှာ ဟင်းရှာ၊ ထင်းခုတ်၊ ဈေးဝယ်သွားလာနေကြတဲ့ဒေသခံတွေထဲက မွတ်ဆလင်မဟုတ်တဲ့သူတွေကို ချောင်းမြောင်းပစ်ခတ်တာတွေ၊ပြန်ပေးဆွဲတာတွေ၊သတ် ဖြတ်တာတွေကို ဆက်တိုက်ကျူးလွန်နေကြတယ်လို့ ဆိုပါတယ်။
နောက်ပြီး အာရက္ခတပ်တော်နဲ့တိုက်ပွဲတွေအပြင်းအထန်ဖြစ်နေတဲ့ပုံစံမျိုး တိုက်ပွဲအတုတွေဖန်တီးပြီးထောက်ခံမှုတွေပိုရလာအောင် ဝါဒဖြန့်တာတွေလုပ်နေတယ်လို့လည်း ဆိုပါတယ်။
အဲဒါကြောင့် အာရက္ခ-ဘင်္ဂလားဒေ့ရှ် နယ်စပ်ဒေသမှာနေထိုင်ကြတဲ့ အာရက္ခပြည်သူတွေအနေနဲ့တောတောင်တွေလူပြတ်တဲ့နေရာတွေကိုသွားလာကြချိန်မှာ တဦးတည်း၊ လူအနည်းနဲ့သွားလာကြတာကို အတတ်နိုင်ဆုံးမပြုလုပ်ကြဖို့ကို သတိပေးထားပါတယ်။
အဲဒီအပြင်ကျန်းမာရေးကိစ္စ၊ မသွားမဖြစ်သွားလာရမယ့်အရေးကြီးကိစ္စတွေရှိရင် အာရက္ခပြည်သူ့တော်လှန်ရေးအစိုးရရဲ့အုပ်ချုပ်ရေးနဲ့လုံခြုံရေးတပ်ဖွဲ့ဝင်တွေရှိတဲ့အနီးစပ်ဆုံးနေရာတွေမှာ သတင်းပေးပို့ပြီးမှ သွားလာကြပါဖို့လည်း သတိပေးထားတာပါ။
အဲဒီအာရက္ခ-ဘင်္ဂလားဒေ့ရှ်နယ်စပ်တွေမှာအစ္စလာမ်မစ်အစွန်းရောက်အဖွဲ့တွေရဲ့အကြမ်းဖက်မှုတွေကြောင့် အာရက္ခပြည်သူတွေ၊အာရက္ခတပ်တော်တပ်ဖွဲ့ဝင်တွေလည်း သတ်ဖြတ်ခံနေကြရတာမို့ အာရက္ခတပ်တော်ဟာ နယ်စပ်လုံခြုံ ရေးကို ပိုပြီးတိုးမြင့်သွားမယ်လို့ဆိုပါတယ်။
အဲဒီရိုဟင်ဂျာအမည်ခံလက်နက်ကိုင်အကြမ်းဖက်သမားအစ္စလာမ်မစ်အစွန်း ရောက်တွေဟာ ဘင်္ဂလားဒေ့ရှ်နိုင်ငံကိုအခြေပြုလှုပ်ရှားနေကြတာဖြစ်ပြီး ဘင်္ဂလားဒေ့ရှ်အစိုးရလက်နက်ကိုင်တာဝန်ရှိသူတချို့ အကြမ်းဖက်သမားတွေကိုအားပေးကူညီပေးနေကြတယ်လို့ အာရက္ခတပ်တော်က ဆိုထားပါတယ်။
အဲဒီအာရက္ခ-ဘင်္ဂလားဒေ့ရှ်နယ်စပ်တွေမှာ ရိုဟင်ဂျာအမည်ခံလက်နက်ကိုင်အကြမ်းဖက်သမားအစ္စလာမ်မစ်အစွန်း ရောက်တွေဟာ နတ်မြစ်အပါအဝင်ရေပြင်မှာလည်း ငါးဖမ်းသမားတွေဟန် ဆောင်ပြီး ဝင်ရောက်အကြမ်းဖက်မှုတွေကျူးလွန်နေကြတယ်လို့ ဆိုကြပါတယ်။
ဒါပေမယ့် အာရက္ခ-ဘင်္ဂလာနယ်စပ်တလျှောက်ဟာ မိုင်ပေါင်းများစွာရှည် လျားတာမို့ အာရက္ခတပ်တော်က နေရာအားလုံးကို အချိန်ပြည့်လုံခြုံရေးမယူပေးနိုင်သေးလို စစ်သည်အင်အားအ များကြီးလိုနေပြီး လုံခြုံရေးဝန်ထမ်းတွေအကျင့်ပျက်ခြစားမှုတွေမဖြစ်ကြအောင်လိုအပ်ချက်တွေကို ဖြည့်ဆည်းပေးဖို့လည်းလိုအပ်တယ်လို့ မောင်တောဒေသခံတွေက ဆိုကြပါတယ်။
