Border News Agency
ပုဏ္ဏားကျွန်း၊ စက်တင်ဘာ ၂၄။
မြန်မာနိုင်ငံတဝှမ်း ပဋိပက္ခ၊ထပ်ဖန်တလဲလဲဖြစ်ပွားနေတဲ့ သဘာဝဘေးအန္တရာယ်နဲ့ နေရပ်စွန့်ခွာမှုတွေကြောင့်လူသားချင်းစာနာမှုဆိုင်ရာ လိုအပ်ချက်တွေဆက်လက်တိုးပွားနေတယ်လို့ ကုလသမဂ္ဂလူသားချင်းစာနာမှုဆိုင်ရာ ပေါင်းစပ်ညှိနှိုင်းရေးရုံး (UNOCHA) က စက်တင်ဘာလ ၂၄ ရက်၊ဒီနေ့ထုတ်ပြန်ပါတယ်။
မြေပြင်မှာ စစ်ပွဲတွေနဲ့ သဘာဝဘေးအန္တရာယ်တွေဆက်တိုက်ကြုံတွေ့နေရကြောင့် အိုးအိမ်စွန့်ခွာထွက်ပြေးနေရသူဦးရေမှာလည်းတနေ့ထက်တနေ့ ပိုမိုများပြားလာနေပါတယ်။
အဲဒီအပြင် စားနပ်ရိက္ခာ၊ ဆေးဝါးနဲ့လုံခြုံတဲ့စက်ရုံ/အမိုးအကာတွေကူညီထောက်ပံ့ပေးနိုင်မှုမှာ မလုံလောက်သေးဘဲ ဒေသခံပြည်သူတွေရဲ့လူမှုစီးပွားဘဝနဲ့ ကျန်းမာရေး အခြေအနေတွေဟာလည်း အလွန်စိုးရိမ်စရာအနေအထားသို့ရောက်ရှိနေတာပါ။
နောက်ပြီးစာရင်းဇယား ကိန်းဂဏန်းတခုချင်းစီရဲ့နောက်ကွယ်မှာ ဒုက္ခသည်တွေရဲ့ကိုယ်ပိုင် အတွေ့အကြုံ၊လိုအပ်ချက်တွေနဲ့အနာဂတ်အတွက် မျှော်လင့်ချက်တွေများစွာ ရှိနေကြတယ်လို့ ဆိုပါတယ်။
အဲဒါကြောင့် (၈၁) ကြိမ်မြောက် ကုလသမဂ္ဂအထွေထွေညီလာခံ (UNGA81) ကျင်းပနေချိန်အတွင်း မြန်မာပြည်သူတွေရဲ့အသံနဲ့ လိုအပ်ချက်တွေကို ပင်မဆွေးနွေးပွဲတွေမှာအဓိကထား ထည့်သွင်းဆွေးနွေးပေးဖို့ UNOCHA က တောင်းဆိုထားပါတယ်။
