Border News Agency
မီဇိုရမ်၊ စက်တင်ဘာ ၂၄။
အိန္ဒိယ-မြန်မာနယ်စပ်၊မီဇိုရမ်ပြည်နယ်၊ နှာထီယားလ်မြို့နယ်၊သင်းဆိုင်း ကျေးရွာအနီး တီအိုမြစ်ကမ်းဘေးမှာအာသံရိုင်ဖယ်တပ်ဖွဲ့အတွက် စခန်းအဆောက်အအုံတွေ ဆောက်လုပ်နေပါတယ်။
အဲဒီစခန်းဆောက်လုပ်ဖို့အတွက် မြေနေရာရှင်းလင်းရေးလုပ်ငန်းတွေကို ပြီးခဲ့တဲ့ မေလကတည်းက စတင်ပြင်ဆင်ခဲ့ကြတာဖြစ်ပါတယ်။
ခုစခန်းဆောက်လုပ်တာဟာ အိန္ဒိယ-မြန်မာ နယ်စပ်ခြံစည်းရိုးခတ်ယူမယ့်ကိစ္စနဲ့ ဆက်စပ်နိုင်တယ်လို့ ဒေသခံတွေကသုံးသပ်ပြောဆိုကြပါတယ်။
စခန်းဆောက်လုပ်နေတဲ့နေရာဟာ အိန္ဒိယဗဟိုအစိုးရက အိန္ဒိယ – မြန်မာ ဝင်ထွက်ပေါက်အဖြစ် သတ်မှတ်ပေးထားတဲ့နေရာဖြစ်ပြီး နှာထီယားလ်ခရိုင်အုပ်ချုပ်ရေးပိုင်းကလည်း သဘောတူထားတဲ့နေရာတခုဖြစ်ပါတယ်။
