အင်တာဗျူး
Border News Agency
စစ်တွေ၊ အောက်တိုဘာ ၂။
စစ်ကော်မရှင်တပ်ဟာ စစ်တွေမြို့မှာအ ရပ်သားပြည်သူတွေကို လူသားဒိုင်းကာအဖြစ်ပိတ်လောင်ထားတာမို့ အရပ် သားပြည်သူတွေအငတ်ဘေးကို ရင်ဆိုင်နေကြရပါတယ်။
အဲဒီအပြင် ငတ်မွတ်ခေါင်းပါးပြီးသေ ဆုံးနေကြသလို ငတ်မွတ်ခေါင်းပါးမှုကို မခံနိုင်ကြလို့ သတ်သေသွားကြသူတွေလည်းရှိနေကြပါတယ်။
အဲဒီအကြောင်းတွေကို စစ်တွေမြို့ခံအမျိုးသမီးတဦးက Border News Agency ကို ပြောပြဖူးပါတယ်။
“တကိုယ်ကောင်းဆန်တဲ့လူတွေအများကြီးပါ။ ပြီးတော့…ဆန်တပြည်နှစ်ပြည်ရဖို့အတွက် သွားပြီးတန်းစီတဲ့လူတွေ၊လက်မှတ်တွေပေးတယ်ပေါ့။”
“ကယ်ဆယ်ရေးက တနာရီပေးမယ်ဆိုရင် ကိုးနာရီ၊ဆယ်နာရီကတည်းက နေပူထဲမှာသွားစောင့်နေရပါတယ်။”
“ဘုန်းကြီးကျောင်းမှာနေတဲ့လူတွေက ရကြပေမယ့် ကိုယ့်အိမ်နဲ့နေပြီးဆင်းရဲနေတဲ့လူတွေကြတော့ ဘယ်ကယ်ဆယ်ရေးကမှလက်မခံကြပါဘူး။”
“လက်ရှိအိမ်မှာနေနေကြတဲ့ အသက် ကြီးပိုင်းတွေ၊ကလေးငယ်တွေ၊ဆေးမကုနိုင်တာတွေ၊ငတ်တာတွေတွေ့နေရပါတယ်။”
“ခုလိုအခက်အခဲတွေနဲ့ပတ်သက်ပြီးဘလိုမျိုးပြောချင်လဲဆိုတော့…ဒုက္ခတွေက အမြန်ဆုံးလွတ်ကင်းစေချင်ပါတယ်။”
“အပြစ်ပြောရမယ်ဆိုလည်း ဘယ်သူ့ကိုမှအပြစ်မပြောချင်ပါဘူး။”
“လက်ရှိကတော့…လူတွေအကုန်လုံး ခံ စားနေကြတာပါပဲ။အခက်အခဲတွေအမြန်ဆုံးပြေလည်စေချင်တဲ့ဆန္ဒပဲရှိပါတယ်။”
“မရှိဆင်းရဲသားတယောက်က ကိုယ်တွေခိုင်းမှအလုပ်ရှိကြတာပါ။ အခုက ပန်းရံအလုပ်တွေလည်းမရှိပါ။ ဘာအလုပ်မှမရှိကြပါဘူး။”
“ထင်းတွေဆိုလည်းစျေးကြီးပါတယ်။ အရင်က တစည်းကို တထောင့်သုံးရာကျပ်ပေးရပါတယ်။ အတိုလေးသုံးချောင်းလောက်ပဲပါတယ်။”
“ထမင်းချက်ဖို့ထင်းဝယ်ဖို့တွက်ကြီးပဲပိုက်ဆံက လေးထောင်၊ ငါးထောင်လောက်လိုနေပါတယ်။”
“အဓိကနာဇီရွာမှာ ထမင်းချက်ဖို့ ထမင်းအိုးပါပျောက်တဲ့အဆင့်ထိဖြစ်နေပါတယ်။”
“စစ်တွေမြို့လက်ရှိကုန်စျေးနှုန်းကတော့ ပုံမှန်ထက်အဆလေးဆယ်၊ငါးဆ ယ်လောက်ထိ တက်နေပါတယ်။ မရှိဆင်းရဲသားတွေဆ်ိုရပ်တည်လို့မရပါဘူး။”
“ထမင်းနှစ်ထပ်စားရမယ့်နေရာမှာ တထပ်ပဲစားပြီးနေရပါတယ်။”
“ဟင်းသီးဟင်းရွက်တွေဆိုလည်း စျေးကြီးပါတယ်။ ငါးထောင်၊ တသောင်းဖိုးမဟုတ်ရင်ဝယ်မရပါဘူး။”
“အာလူးတို့၊ခရမ်းချဉ်သီးတို့၊ငရုတ်သီးအစိမ်းတို့၊သံပုသီးတို့၊ရန်ကုန်ကနေ လေယာဉ်နဲ့နေ့တိုင်းလာပါတယ်။”
“စျေးတွေက မတရားစျေးနဲ့ရောင်းကြပါတယ်။သံပုရာသီးတလုံးကို တထော င်၊ငရုတ်သီးတပိဿာကို သုံးသောင်း၊ ဘယ်ကိုမှလည်း ထွက်လို့မရကြတော့…။ အသက်ရှင်ရုံလောက်မသေရုံလောက်စားနေကြရတာပါ။”
“တချို့တွေက မသေရုံတောင်ရပ်တည်လို့မရတဲ့အခြေအနေတွေကြောင့် ငတ်နေတဲ့သူတွေအများကြီးရှိပါတယ်။”
Comments 1
Your article helped me a lot, is there any more related content? Thanks!