Border News Agency
နေပြည်တော်၊ ဒီဇင်ဘာ ၂၅။
အာဏာသိမ်းစစ်ခေါင်းဆောင်ဟာ ခေတ်မီစစ်ရေယာဉ်တွေအဆင့်မြင့်တင်ဖို့အတွက် ရေတပ်ကိုအင်အားထပ်ဖြည့်ဖို့ကြိုးစားနေတယ်လို့ ဆိုပါတယ်။
ရန်ကုန်မြို့၊ သန်လျင်မှာလုပ်တဲ့တပ်မတော်(ရေ)ရဲ့ ၇၈ နှစ်မြောက်နှစ်ပတ်လည်နေ့မိန့်ခွန်းမှာ စစ်ခေါင်းဆောင်မင်းအောင်လှိုင်ခုလိုပြောခဲ့တာပါ။
စစ်ကော်မရှင်ရေတပ်ကို ခေတ်မီစစ်ရေယာဉ်တွေ အရေအတွက်များများပိုင်ဆိုင်နိုင်ရေးကြိုးပမ်းနေသလို မြစ်တွင်းသွားဘက်စုံသုံးစစ်ရေယာဉ်တွေကို ကိုယ်တိုင်တည်ဆောက်နိုင်ခဲ့တဲ့အတွက် မြစ်တွင်းစစ်ဆင်ရေးတွေမှာ ထိရောက်ခဲ့တယ်လို့ဆိုပါတယ်။
အဲဒီအပြင်ရေကြောင်းကနေတပ်ဖွဲ့တွေ၊ ရိက္ခာတွေ၊ လက်နက်ခဲယမ်းတွေ သယ်ယူပို့ဆောင်ပေးတာတွေ၊ ပစ်ကူစစ်ကူပေးတာတွေ ဆောင်ရွက်နိုင်ခဲ့တယ်လို့ဆိုပါတယ်။
နောက်ပြီးသမားရိုးကျနဲ့သမားရိုးကျမဟုတ်တဲ့ ခြိမ်းခြောက်မှုတွေကို တုံ့ပြန်တိုက်ခိုက်နိုင်စွမ်းရှိတဲ့ ဖရီဂိတ်စစ်ရေယာဉ်ကအစ မြစ်တွင်းအမြန်သွားတိုက်ခိုက်ရေးရေယာဉ်တွေ အဆုံး၊ အထောက်အကူပြုရေယာဉ်တွေပါမကျန် အမျိုးအစားစုံလင်စွာ ဖြည့်ဆည်းပေးနေတယ်လို့ဆိုပါတယ်။
အာရက္ခတပ်တော်နဲ့ စစ်ကော်မရှင်တပ်တိုက်ပွဲတွေမှာ တပ်ကူ၊ ရိက္ခာနဲ့ပစ်ကူတာတွေလုပ်နေပြီး ရေတပ်အင်အားကို အသုံးပြုနေပါတယ်။
