Border News Agency
ကျောက်တော်၊ဇွန် ၁။
အာရက္ခပြည်သူ့တော်လှန်ရေးအစိုးရ၊ အာရက္ခပြည်သူ့ကျန်းမာရေးဌာနကနေ မေလ တတိယအပတ်အတွင်း စစ်ရှောင်ပြည်သူတွေထဲက မျက်စိဝေဒနာရှင် ၂၂၃ ဦးကို စမ်းသပ်ကုသပေးခဲ့ပါတယ်။
အဲဒီအထဲက အတွင်းတိမ်လူနာ ၃၃ ဦး၊ မျက်သားခြစ်လူနာ ၅ ဦးနဲ့ ပါဝါမျက်မှန်တပ်လူနာ ၂၁ ဦး (စုစုပေါင်း ၅၉ ဦး) ကို ဒုတိယအကြိမ်အဖြစ် မျက်စိအခမဲ့ ခွဲစိတ်ကုသပေးခဲ့တာ ဖြစ်ပါတယ်။
အဲဒီလိုကုသရာမှာ ခွဲစိတ်စရိတ်၊ နေစရိတ်၊ စားစရိတ်၊ဆေးဖိုးနဲ့ သွားလာစရိတ်တွေအပါအဝင် ကုန်ကျစရိတ်အားလုံးကို ကျန်းမာရေးဌာနက အစအဆုံး တာဝန်ယူပေးခဲ့တာပါ။
ပြီးခဲ့တဲ့ ဧပြီလ ပထမအပတ်ကလည်း အာရက္ခပြည်အတွင်းရှိ စစ်ရှောင်ပြည်သူ ၂၀၀ ဝန်းကျင်ကို ကုသပေးခဲ့ပြီး ၂၇ ဦးကို ပထမအကြိမ် အခမဲ့ခွဲစိတ်ပေးခဲ့ပါသေးတယ်။
ကျန်းမာရေးဌာနအနေနဲ့ ငွေကြေးမတတ်နိုင်တဲ့ စစ်ရှောင်တွေအတွက် ရှေ့ဆက်ပြီးတော့လည်း အလားတူ မျက်စိခွဲစိတ်ကုသမှုအစီအစဉ်တွေကို ဆက်တိုက်လုပ်ဆောင်ပေးသွားမယ်လို့ သိရပါတယ်။
