Border News Agency
သီပေါ၊ ဇန်နဝါရီ ၁၆။
ရှမ်းပြည်မြောက်ပိုင်း၊ သီပေါနဲ့မိုင်းရယ်မြို့နယ်အနီးမှာ မူးယစ်ဆေးဝါးချက်လုပ်ရာမှာ အသုံးပြုတဲ့ပစ္စည်းအမြောက်အမြားကို ဇန်နဝါရီ ၁၅ ရက်နေ့ကထပ်မံသိမ်းဆည်းရမိခဲ့ပါတယ်လို့ စစ်ကော်မရှင်ကဆိုပါတယ်။
အဲဒီပစ္စည်းတွေကို မိုင်းရယ်မြို့ရဲ့အနောက်မြောက်ဘက် ၃၄ ကီလိုမီတာလောက်မှာရှိတဲ့ တောအတွင်းကမသင်္ကာဖွယ်အဆောက်အအုံတွေကို ဝင်ရောက်စစ်ဆေးရာကနေ ရှာဖွေတွေ့ရှိခဲ့တယ်လို့ ဆိုပါတယ်။
အဲဒီ အက်စစ်ပုံး သုံးထောင့်ငါးရာကျော်၊ သံပေပါ ငါးရာကျော်၊ ဆေးပြားရိုက်စက် ကိုးလုံးနဲ့ Happy Water ထုတ်လုပ်တဲ့ စက်ရုံဂိုဒေါင်တစ်ခုအပါအဝင် အဆောက်အအုံ နှစ်ဆယ်ကျော်ကို သိမ်းဆည်းရမိခဲ့တယ်လို့ ဆိုပါတယ်။
အဲဒီသိမ်းဆည်းရမိတဲ့ပစ္စည်းတွေကို သက်ဆိုင်ရာဌာနတွေထံလွှဲပြောင်းပေးအပ်တာနဲ့ စနစ်တကျဖျက်ဆီးတာတွေဆောင်ရွက်သွားဖို့ စီစဉ်နေတယ်လို့ ဆိုပါတယ်။
အဲဒီဒေသတစ်ဝိုက်မှာ မူးယစ်ဆေးဝါးချက်လုပ်တဲ့ နေရာတွေထပ်ရှိနိုင်သေးတာကြောင့် နယ်မြေရှင်းလင်းရေးနဲ့စုံစမ်းဖော်ထုတ်မှုတွေကို ဆက်လက်လုပ်ဆောင်နေတယ်လို့လည်း ဆိုပါတယ်။
