Border News Agency
စစ်ကိုင်း၊ ဇန်နဝါရီ ၁၆။
စစ်ကိုင်းတိုင်း၊ ဘုတလင်မြို့နယ်မှာ စစ်ကော်မရှင်တပ်စွဲထားတဲ့နေရာတွေကို တော်လှန်ရေးတပ်တွေတိုက်ခိုက်လို့ အပြန်အလှန်ပစ်ခတ်မှုတွေဖြစ်ခဲ့တယ်လို့ ချိုမိုင်မိုင် – ကနီက ဇန်နဝါရီလ ၁၆ ရက်၊ ဒီနေ့ကထုတ်ပြန်ပါတယ်။
အဲဒီစစ်ကော်မရှင်တပ်ပြုလုပ်တဲ့ ရွေးကောက်ပွဲကျင်းပခဲ့တဲ့ ဇန်နဝါရီလ ၁၁ ရက်နေ့မှာ ပြည်သူ့ကာကွယ်ရေးတပ်ဖွဲ့တွေက ဘုတလင်မြို့နယ်ထဲက ဘုတလင်မြို့မရဲစခန်းကို တိုက်ခိုက်ခဲ့တယ်လို့ ဆိုပါတယ်။
အဲဒီအပြင် တော်လှန်ရေးတပ်ဟာ အထွေထွေအုပ်ချုပ်ရေးဦးစီးမှူးရုံး၊ စစ်တပ်မဲရုံအဖြစ်အသုံးပြုနေတဲ့ ခုံမင်းကြီးကျောင်းတိုက်ကို တိုက်ခိုက်ခဲ့တယ်လို့ ဆိုပါတယ်။
စစ်ကော်မရှင်က လက်နက်ကြီး၊ လက်နက်ငယ်တွေနဲ့ ပြန်လည်ပစ်ခတ်သလို ဂျိုင်ရိုကော်ပတာနှစ်စီးအပါအဝင် အသေခံဒရုန်းတွေနဲ့ ပြန်တိုက်ခိုက်ခဲ့တယ်လို့ ဆိုပါတယ်။
အဲဒီတိုက်ခိုက်မှုကို People’s Defence & Revolution Force (PDRF) တပ်ဖွဲ့နဲ့အတူ ချိုမိုင်မိုင် (ကနီ) ၊ Students Armed Force (SAF)၊ ဘုတလင်မြို့နယ်တပ်ပေါင်းစုစစ်ကြောင်းတို့မှ ပူးပေါင်းတိုက်ခိုက်ခဲ့တာလို့ ဆိုပါတယ်။
