Border News Agency
သာ့ဆောင်ယန်း၊ မတ် ၁၆။
ထိုင်း-မြန်မာနယ်စပ်၊ သာ့ဆောင်ယန်းမြို့နယ်ထဲကို တရားမဝင်ဝင်လာတဲ့ မြန်မာ ၉ ဦးနဲ့ သူတို့ကိုကူညီသယ်ဆောင်လာတဲ့ ထိုင်းနိုင်ငံသား ၄ ဦးကို မတ်လ ၁၅ ရက်၊ မနေ့ညနေပိုင်းက ထိုင်းအာဏာပိုင်တွေ ဖမ်းဆီးလိုက်ပါတယ်။
တာ့ခ်ခရိုင်လဝကအဖွဲ့နဲ့ နယ်ခြားစောင့်ရဲတပ်ဖွဲ့တွေ ပူးပေါင်းပြီး မဲဥသုကျေးရွာအုပ်စုက ဝါးခဲခလိုး စစ်ဆေးရေးဂိတ်နားမှာ ကြားဖြတ်စစ်ဆေးရင်း ဖမ်းမိခဲ့တာပါ။
အဲဒီ ဖမ်းခံရတဲ့ မြန်မာ ၉ ဦးကိုတော့ တရားမဝင်ဝင်ရောက်မှုနဲ့ အမှုဖွင့်ထားပါတယ်။
အဲဒီအပြင် သူတို့ကို ကူညီသယ်ဆောင်လာတဲ့ အသက် ၁၆ နှစ်ကနေ ၂၆ နှစ်အရွယ် ထိုင်းလူငယ် ၄ ဦးကိုလည်း တရားမဝင်သူတွေကို ဝှက်ထားပေးမှု၊ကူညီမှုတွေနဲ့ အမှုဖွင့်အရေးယူထားပါတယ်။
အခုဖမ်းမိတဲ့သူ အားလုံးကို သာ့ဆောင်ယန်းရဲစခန်းကို ပို့ဆောင်ထားပြီး လုပ်ထုံးလုပ်နည်းအတိုင်း ဆက်လက်အရေးယူသွားမယ်လို့ တာ့ခ်ခရိုင်လဝကအဖွဲ့ကထုတ်ပြန်ထားပါတယ်။
