Border News Agency
ကောလင်း၊ စက်တင်ဘာ ၂၅။
စစ်ကိုင်းတိုင်း၊ကောလင်းမြို့နယ်မှာ အာဏာသိမ်းစစ်တပ်လေကြောင်းတိုက်ခိုက်လို့ အရပ်သားသုံးဦးသေဆုံးသွားတယ်လို့ ကောလင်းမြို့နယ် ပအဖမှ စက်တင်ဘာလ ၂၅ ရက်၊ဒီနေ့ ထုတ်ပြန်ပါတယ်။
ကောလင်းမြို့နယ်အရှေ့ခြမ်း၊ကုက္ကိုကုန်းကျေးရွာကို စက်တင်ဘာ ၂၄ ရက်၊ ညနေ ၅ နာရီ၊ ၂၀ မိနစ်အချိန်ခန့်က စစ်တပ်ရဲ့တံတားဦးလေဆိပ်ကတက်လာတဲ့ A-5 Bomber အမျိုးအစားဖိုက်တာ၊ရောကတ် ၈၀ မမတို့နဲ့ တိုက်ခိုက်ခဲ့တာလို့ဆိုပါတယ်။
အဲဒီလိုတိုက်ခိုက်ခဲ့တာကြောင့် အရပ်သားသုံးဦးသေဆုံးပြီး ခြောက်ဦးဒဏ်ရာရသွားခဲ့သလို နေအိမ်တွေပျက်စီးဆုံးရှုံးခဲ့တယ်လို့ဆိုပါတယ်။
ပြည်သူတွေအနေနဲ့ အာဏာသိမ်းစစ်တပ်ရဲ့လေကြောင်းအန္တရာယ်ကို အထူးဂရုစိုက်ပြုပြီး ဘေးကင်းလုံခြုံစွာနေထိုင်ကြဖို့ကိုလည်း ကောလင်းမြို့နယ် ပအဖမှအသိပေးတိုက်တွန်းထားပါတယ်။
