Border News Agency
မောင်တော၊ မတ် ၂၂။
အာရက္ခတပ်တော်(AA)ထိန်းချုပ်ထားတဲ့ မောင်တောမြို့နယ်၊ ကျောက်ပန္ဒူရွာအနီးပင်လယ်ပြင်မှာ မတ်လ ၂၁ ရက်နေ့၊ ညက ကုန်တင်ဘုတ်တစီးကို ဘင်္ဂလားဒေ့ရှ်ငါးခိုးဖမ်းသမားတွေကဓားပြတိုက်ပြီး ဘုတ်သမားကိုဓားနဲ့လှီးဖြတ်သွားခဲ့ပါတယ်။
အဲဒီကုန်တင်ဘုတ်ဟာ ဘင်္ဂလားဒေ့ရှ်နိုင်ငံ၊ စစ်တကောင်းဆိပ်ကမ်းမှအာလူးအိတ်တွေတင်လာတာဖြစ်ပြီး ကျောက်ပန္ဒူရွာအနောက်တောင်ဘက် ပင်လယ်ကမ်းစပ်အနီးမှာ ဓားပြတိုက်ခံခဲ့ရတာပါ။
လက်နက်ကိုင်ဆောင်ထားတဲ့ ဘင်္ဂလားဒေ့ရှ်ငါးဖမ်းသမား ၂၅ ဦးခန့်ပါတဲ့ ဘုတ်တစီးဝင်ရောက်စီးနင်းပြီး အာလူးအိတ်တွေနဲ့ဖုန်းတွေကို လုယူသွားခဲ့ကြပါတယ်။
အဲဒီအပြင်ဓားပြတွေဟာ ဘုတ်သမားခေါင်းဆောင်(မာစီ)ရဲ့ ဘယ်ဘက်ခြေသလုံးကို ဓားနဲ့လှီးဖြတ်ခဲ့သလို သူ့ရဲ့ပါးကိုလည်း သေနတ်နဲ့ပစ်သတ်သွားခဲ့တယ်လို့ အတူပါလာတဲ့ လုပ်သားတွေကပြောပါတယ်။
အာရက္ခရေပိုင်နက်ထဲကို တရားမဝင်ကျူးကျော်ဝင်ရောက်ပြီး လူမဆန်စွာပြုမူခဲ့တဲ့ အဲဒီဘင်္ဂလားဒေ့ချ်ငါးခိုးဖမ်းသမားတွေဟာ အုန်းကျွန်းဘက်ကို မောင်းနှင်ထွက်ပြေးသွားကြတယ်လို့ဆိုပါတယ်။
