Border News Agency
အမေရိကန်၊မေ ၁၀။
မြန်မာပြည်ဖွား ချင်းတိုင်းရင်းသား ဖိုက်တာ ဂျော့ရှုဝါဗန် (Joshua Van) ဟာ ဂျပန်ဖိုက်တာ တက်ဆူရို တိုင်ရာ (Tatsuro Taira) ကို နောက်ဆုံးအချီမှာ အလဲထိုး (KO) နဲ့ အနိုင်ယူပြီး UFC Flyweight ချန်ပီယံခါးပတ်ကို ပထမဆုံးအကြိမ် အောင်မြင်စွာ ကာကွယ်နိုင်ခဲ့ပါတယ်။
အမေရိကန်ပြည်ထောင်စု၊ နယူးဂျာစီပြည်နယ်မှာ ကျင်းပတဲ့ UFC 328 ပြိုင်ပွဲရဲ့ ဒုတိယခေါင်ပွဲစဉ်အဖြစ် ထိုးသတ်ခဲ့ကြတာဖြစ်ပြီး ဗန်ဟာ ပွဲအပြီးမှာ မြန်မာပရိသတ်တွေကို ကျေးဇူးတင်ပါတယ်။
ခင်ဗျားတို့ရဲ့ ချန်ပီယံ ထပ်နိုင်သွားပါပြီ” လို့ ဝမ်းသာအားရ ပြောကြားခဲ့ပါတယ်။
အဲဒီ ပွဲစဉ်တလျှောက်မှာ ဂျပန်ဖိုက်တာ တိုင်ရာရဲ့ အားသာချက်ဖြစ်တဲ့ ချုပ်ကွက်တွေကို ဗန်က အကောင်းဆုံး တန်ပြန်ခုခံနိုင်ခဲ့တာကို တွေ့ရပါတယ်။
ဗန်ဟာ ပြိုင်ဘက်ကို ချုပ်ကွက်အသုံးမပြုနိုင်အောင် အကွာအဝေးကို ထိန်းချုပ်ပြီး လက်သီးထိုးချက် အပြင်းအထန်တွေနဲ့ ဖိအားပေး ကစားခဲ့တာပါ။
ဒီနိုင်ပွဲကြောင့် ဂျော့ရှုဝါဗန်ဟာ UFC Flyweight ဝိတ်တန်းမှာ အကောင်းဆုံးဖိုက်တာတဦးဖြစ်တယ်ဆိုတာကို သက်သေပြနိုင်ခဲ့ပြီး သူ့ရဲ့ ကစားဟန်နဲ့ ခိုင်မာတဲ့ ခုခံနိုင်စွမ်းကို နိုင်ငံတကာ အားကစားလောကက အသိအမှတ်ပြုခဲ့ကြပါတယ်။
ဂျော့ရှုဝါဗန်ရဲ့ အောင်မြင်မှုအတွက် မြန်မာပရိသတ်တွေက ဂုဏ်ယူဝမ်းမြောက်နေကြပြီး ဒါဟာ မြန်မာအားကစားသမားတဦးအနေနဲ့ ကမ္ဘာ့အဆင့်မီ စင်မြင့်ထက်မှာ ရရှိခဲ့တဲ့ သမိုင်းဝင် အောင်မြင်မှုတခုလည်း ဖြစ်ပါတယ်။
