Border News Agency
တီဟီရန်၊ ဧပြီ ၁၀ ။
အီရန်နိုင်ငံကို နှစ်ပေါင်း ၄၀ နီးပါး အုပ်ချုပ်ခဲ့တဲ့ အဓိကခေါင်းဆောင်ကြီး အလီခါမေနီကွယ်လွန်တဲ့အထိမ်းအမှတ်အဖြစ် အီရန်တနိုင်ငံလုံးမှာ လူထုထောင်ပေါင်းများစွာ စုဝေးပြီးအောက်မေ့ဖွယ်အခမ်းအနားတွေ ကျင်းပခဲ့ကြပါတယ်။
အဲဒီခေါင်းဆောင်ဟောင်း အလီခါမေနီဟာ ပြီးခဲ့တဲ့ ဖေဖော်ဝါရီလ ၂၈ ရက်နေ့က တီဟီရန်မြို့မှာရှိတဲ့ သူ့ရဲ့နေအိမ်မှာ အမေရိကန်နဲ့ အစ္စရေးတို့ရဲ့ တိုက်ခိုက်မှုကြောင့် သေဆုံးခဲ့တာဖြစ်ပြီး အဲဒီနောက်ပိုင်းမှာ အရှေ့အလယ်ပိုင်းစစ်ပွဲဟာ ပိုပြီးပြင်းထန်လာခဲ့တာလို့ ဆိုပါတယ်။
အီရန်တဝှမ်းက မြို့ကြီးတွေမှာ ပြည်သူတွေဟာ ခေါင်းဆောင်ဟောင်းရဲ့ဓာတ်ပုံတွေကို ကိုင်ဆောင်ပြီးအောက်မေ့ဖွယ် ဆုတောင်းခဲ့ကြသလို သူသေဆုံးခဲ့တဲ့ မနက် ၉ နာရီ ၄၀ မိနစ်အချိန်မှာပဲ အခမ်းအနားကို စတင်ခဲ့ကြတယ်လို့ သိရပါတယ်။
အဲဒါကြောင့် ခုလက်ရှိမှာတော့ သူ့ရဲ့သားဖြစ်သူ မူဂျတာဘာ ခါမေနီကခေါင်းဆောင်သစ်အဖြစ် တာဝန်ယူထားပေမယ့် စစ်ပွဲစတင်ကတည်းက လူမြင်ကွင်းကိုထွက်ပေါ်လာတာမျိုးမရှိသေးသလို အခုကျင်းပတဲ့လူထုစုဝေးပွဲတွေကိုလည်း တက်ရောက်ခဲ့တာ မရှိပါဘူး။
အီရန်နဲ့ အမေရိကန်၊ အစ္စရေးတို့အကြား စစ်ပွဲတွေဆက်ဖြစ်နေတာကြောင့် ခေါင်းဆောင်ဟောင်းအတွက် တရားဝင် နိုင်ငံတော်ဈာပနကိုတော့ အခုထိ မကျင်းပနိုင်သေးဘူးလို့ ဆိုပါတယ်။
