Border News Agency
စစ်ကိုင်း၊ ဧပြီ ၂၀။
စစ်ကိုင်းတိုင်းပြည်သူ့ကာကွယ်ရေးအဖွဲ့ ပကဖ ရဲ့ အပတ်စဉ် ၁ စွမ်းရည်မြှင့်သင်တန်း ဆင်းပွဲကို ဧပြီလအတွင်းမှာပြုလုပ်ခဲ့တယ်လို့သိရပါတယ်။
အဲဒီသင်တန်းကို စစ်ကိုင်းတိုင်းထဲက ခရိုင်နဲ့ မြို့နယ်အသီးသီးက တာဝန်ရှိသူတွေအပါအဝင် သင်တန်းသား ၂၀၀ ခန့် တက်ရောက်ခဲ့တာပါ။
သင်တန်းမှာ လူထုစည်းရုံးရေးနဲ့ ပြည်သူ့ဆက်ဆံရေး ဘာသာရပ်တွေကို စာတွေ့၊ လက်တွေ့ သင်ကြားပေးခဲ့ပြီး ပကဖအဖွဲ့တွေရဲ့ စည်းရုံးရေးလုပ်ငန်းတွေကို အရှိန်မြှင့်တင်ဖို့ ရည်ရွယ်ပါတယ်။
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနအနေနဲ့ လက်အောက်ခံတပ်ဖွဲ့တွေကို စစ်စည်းကမ်းနဲ့ စစ်ဥပဒေတွေ လိုက်နာတဲ့ စနစ်ကျတဲ့တပ်ဖွဲ့တွေ ဖြစ်လာစေဖို့ အခုလိုသင်တန်းတွေကို ပုံမှန်ဖွင့်လှစ်နေတယ်လို့ဆိုပါတယ်။
