Border News Agency
မြောက်ဦး၊ ဧပြီ ၂၁။
ချင်းပြည်သူ့အစည်းအရုံး (CPO) ရဲ့ ဗဟိုအလုပ်အမှုဆောင်တွေဟာ အာရက္ခဒေသကိုသွားရောက်ပြီး ရက္ခိုင်အမျိုးသားအဖွဲ့ချုပ်/ အာရက္ခတပ်တော် (ULA/AA) ခေါင်းဆောင်တွေနဲ့ တွေ့ဆုံခဲ့တယ်လို့ ဧပြီလ ၂၀ ရက်၊ ဒီနေ့ထုတ်ပြန်ပါတယ်။
အဲဒီခရီးစဉ်ဟာ ပြီးခဲ့တဲ့ ဖေဖော်ဝါရီလအတွင်းက ULA ရဲ့ ဖိတ်ကြားချက်အရသွားရောက်ခဲ့တာဖြစ်ပြီး နှစ်ပတ်လောက်ကြာမြင့်ခဲ့ပါတယ်။
အဲဒီတွေ့ဆုံပွဲမှာ လက်ရှိနွေဦးတော်လှန်ရေးရဲ့ တိုးတက်မှုအခြေအနေတွေအပြင် ချင်းပြည်သူနဲ့အာရက္ခပြည်သူတွေကြား အိမ်နီးချင်းကောင်းပီသစွာ ရေရှည်လက်တွဲသွားဖို့နဲ့ ရှေ့ဆက်လုပ်မယ့်လုပ်ငန်းစဉ်တွေကိုပါ ဆွေးနွေးနိုင်ခဲ့ကြတယ်လို့ ဆိုပါတယ်။
ဒါ့အပြင်ခရီးစဉ်အတွင်း အာရက္ခဒေသကအထင်ကရနေရာတွေကိုလည်း လိုက်လံကြည့်ရှုခဲ့ကြပြီး ဒီခရီးစဉ်ဟာချင်းပြည်သူ့အစည်းအရုံး/ ချင်းပြည်သူ့တပ်မတော် (CPO/CPA) အတွက် သင်ယူစရာတွေနဲ့အကျိုးကျေးဇူးတွေ အများကြီးရခဲ့တယ်လို့လည်းဆိုပါတယ်။
