Border News Agency
ကွတ်ခိုင်၊ဧပြီ ၂၁
ရှမ်းပြည်မြောက်ပိုင်း၊ ကွတ်ခိုင်မြို့ပေါ်ရပ်ကွက်တွေနဲ့ ပြည်ထောင်စုလမ်းမကြီးတလျှောက်မှာ ဆိုလာစနစ်သုံးလမ်းမီးတိုင် ၅၀၀ တပ်ဆင်နေတယ်လို့အမျိုးသားဒီမိုကရက်တစ်မဟာမိတ်တပ်တပ်မတော်က ဧပြီလ ၂၀ ရက်၊မနေ့ကထုတ်ပြန်ပါတယ်။
အဲဒီကွတ်ခိုင်မြို့ပေါ်မှာ အရင်က လမ်းမီးတိုင်အချို့သာရှိပြီး နေရာအများစုမှာ မှောင်နေတာကြောင့် ညဘက်သွားလာရခက်ခဲနေတဲ့အတွက် အခုလို ဆိုလာမီးတိုင်အသစ်တွေ ဝယ်ယူတပ်ဆင်တာလို့ဆိုပါတယ်။
အဲဒီမြို့ကိုဖြတ်သန်းသွားတဲ့ ပြည်ထောင်စုလမ်းမကြီး ဘေးဝဲယာတွေကို ဦးစားပေးတပ်ဆင်နေသလို ပျက်စီးနေတဲ့ မီးလုံးဟောင်းတွေကိုလည်း အသစ်လဲလှယ်ပေးနေတယ်လို့ဆိုပါတယ်။
အဲဒီစီမံကိန်းအရ ပြည်ထောင်စုလမ်းမကြီးတင်မကဘဲ ဘေးပတ်ဝန်းကျင်က ရပ်ကွက်တွေနဲ့ ကွတ်ခိုင်-တာမိုးညဲလမ်းပိုင်းမှာပါ ဆိုလာလမ်းမီးတွေ ဆက်ပြီးလုပ်သွားမယ်လို့လည်းဆိုပါတယ်။
