​Border News Agency
နေပြည်တော်၊ ဧပြီ ၂၁။

​နေပြည်တော်မှာကျင်းပတဲ့ အစိုးရအဖွဲ့အစည်းအဝေးမှာ သမ္မတတုမင်းအောင်လှိုင်က NCA လက်မှတ်မထိုးရသေးတဲ့ တိုင်းရင်းသားလက်နက်ကိုင်အဖွဲ့ (EAO) တွေကိုလည်း လာရောက်တွေ့ဆုံဆွေးနွေးကြဖို့ ထပ်မံဖိတ်ခေါ်လိုက်ပါတယ်။

အဲဒီ သမ္မတတုဟာ KNU၊ CNF နဲ့ ABSDF စတဲ့အဖွဲ့တွေကို အဓိကထားရည်ညွှန်းပြောဆိုခဲ့တာဖြစ်ပြီး အဲဒီအဖွဲ့တွေအနေနဲ့ ငြိမ်းချမ်းရေးအတွက် ဘာတွေလုပ်ချင်လဲဆိုတာကို တွေ့ဆုံဆွေးနွေးဖို့ ဖိတ်ခေါ်တယ်လို့ ဆိုပါတယ်။

ဒါ့အပြင် လာမယ့် ဇူလိုင်လ ၃၁ ရက်နေ့နောက်ပိုင်းမှာလည်း ဆွေးနွေးမှုတွေ ဆက်လုပ်သွားမယ်လို့ဆိုပါတယ်။

တိုင်းပြည်တည်ငြိမ်အေးချမ်းမှသာ ဖွံ့ဖြိုးရေးလုပ်ငန်းတွေကို ထိထိရောက်ရောက် လုပ်နိုင်မှာဖြစ်လို့ အခုလို ဖိတ်ခေါ်ရတာလို့လည်းဆိုပါတယ်။

သမ္မတတု မင်းအောင်လှိုင်ဟာ အခုလို ငြိမ်းချမ်းရေးအတွက်လာရောက်ပူးပေါင်းဖို့ ဖိတ်ခေါ်တာဟာ ဒါပထမဆုံးအကြိမ် မဟုတ်သလို အရင်ကလည်းအခါအားလျော်စွာ မကြာခဏဆိုသလို ဖိတ်ခေါ်မှုတွေ ပြုလုပ်ခဲ့ဖူးပါတယ်။

ဒါပေမယ့် မြေပြင်အခြေအနေမှာတော့ တိုင်းရင်းသားလက်နက်ကိုင်အဖွဲ့တွေနဲ့ စစ်ကော်မရှင်တပ်တွေကြား နယ်မြေအသီးသီးမှာ စစ်ရေးတင်းမာမှုတွေ ဆက်ရှိနေဆဲဖြစ်သလို တိုက်ပွဲတွေလည်းဖြစ်ပွားနေပါတယ်။