Border News Agency
ဒါကာ၊ နိုဝင်ဘာ ၂၂။
ဘင်္ဂလားဒေ့ရှ် စစ်တပ်ရဲ့ စစ်ဌာနချုပ်အသီးသီးနဲ့ ပြည်ပငြိမ်းချမ်းရေး ထိန်းသိမ်းမှုမစ်ရှင်နယ်မြေတွေမှာ ၂၀၂၆ ခုနှစ်၊ စစ်သည်တော်များနေ့ (Armed Forces Day) အခမ်းအနားကို ဂုဏ်ပြုကျင်းပခဲ့ပါတယ်။
နိုဝင်ဘာလ ၂၁ ရက်နေ့က ကျရောက်တဲ့ အဲဒီနေ့ အထိမ်းအမှတ်အဖြစ် ကော့စ်ဘဇား (Cox’s Bazar)၊ ဘာရီဆယ် (Barishal)၊ ဂျက်ဆိုး (Jashore)၊ ဘိုဂရာ (Bogra)၊ ရန်ပူ (Rangpur) နဲ့ ဆေးလ်ဟက် (Sylhet) စတဲ့ဒေသအသီးသီးက စစ်ဌာနချုပ်တွေမှာ အခမ်းအနားတွေ ပြုလုပ်ခဲ့တာပါ။
အခမ်းအနားတွေမှာ စစ်တီးဝိုင်းအဖွဲ့တွေရဲ့ ဖျော်ဖြေတင်ဆက်မှုတွေ၊ ကျဆုံးစစ်သည်တွေကို ဂါရဝပြုလွမ်းသူ့ပန်းခွေချတာတွေ၊ မိန့်ခွန်းပြောကြားတာတွေနဲ့ ဂုဏ်ပြုလက်ဆောင် ပေးအပ်တာတွေ ပြုလုပ်ခဲ့ကြပါတယ်။
















































