Border News Agency
ဝီရဌာနီ၊နိုဝင်ဘာ ၂၁။
အာရက္ခတပ်တော်(AA)ထိန်းချုပ်ထားတဲ့ ဝီရဌာနီမြို့နယ်၊ သဝင်ချောင်းကျေးရွာကိုနိုဝင်ဘာလ ၂၁ ရက်၊ဒီနေ့ ညသန်းခေါင်ယံအချိန်မှာ အာဏာသိမ်းစစ်တပ်လေကြောင်းတိုက်
ခိုက်ခဲ့တာကြောင့် အရပ်သားနှစ်ဦးဒဏ်ရာရသွားခဲ့ပါတယ်။
အဲဒီသဝင်ချောင်းကျေးရွာကို ဒီနေ့ ည ၁၂ နာရီ ၅ မိနစ်အချိန်မှာ တကြိမ်၊၁၂ နာရီ ၈ မိနစ်မှာတကြိမ်စုစုပေါင်းနှစ်ကြိမ်ထိလေကြောင်းတိုက်ခိုက်ခဲ့တာကြောင့် အမျိုးသားတဦးနဲ့အမျိုးသမီးတဦး ဒဏ်ရာရရှိခဲ့တာဖြစ်ပါတယ်။
အဲဒီဝီရဌာနီမြို့နယ်၊ဒါးကိုင်တောင်တန်းကို နိုဝင်ဘာလ ၁၉ ရက်နေ့ကလည်း အာဏာသိမ်းစစ်တပ်လေကြောင်းတိုက်ခိုက်ခဲ့သလို နိုဝင်ဘာလ ၁၈ ရက်နေ့ကလည်း ငပလီမြို့၊ လင်းသာရပ်ကွက်ကို ဗုံးကြဲခဲ့တာကြောင့် အရပ်သားညီအစ်မနှစ်ဦးသေဆုံးခဲ့ပါတယ်။
အာဏာသိမ်းစစ်တပ်ဟာ အာရက္ခတပ်တော်ထိန်းချုပ်ထားတဲ့မြို့တွေကို ရွယ်ရည်ချက်ရှိရှိလေကြောင်းတိုက်ခိုက်နေတာကြောင့် အရပ်သားတွေ နေ့စဉ်သေဆုံး၊ဒဏ်ရာရနေကြရပါတယ်။












