Border News Agency
ယူကေ၊ ဧပြီ ၂၃။
သမ္မတဟောင်းဦးဝင်းမြင့်နဲ့ အကျဉ်းသားတချို့ ပြန်လွှတ်ပေးလိုက်တာကို အသိအမှတ်ပြုပေမယ့် ကျန်ရှိနေသူတွေအတွက် စိုးရိမ်နေတယ်လို့ ရန်ကုန်အခြေစိုက် ဗြိတိသျှသံရုံးက ဧပြီလ ၂၂ ရက်၊ မနေ့ကထုတ်ပြန်ပါတယ်။
ဒေါ်အောင်ဆန်းစုကြည်အပါအဝင် မတရားဖမ်းဆီးခံထားရသူ အားလုံးကို အမြန်ဆုံးပြန်လွှတ်ပေးဖို့အတွက်လည်း စစ်ကော်မရှင်တပ်ကို ဗြိတိသျှသံရုံးအကြီးအကဲ Andrew Jackson က ထပ်မံတိုက်တွန်းလိုက်တာပါ။
ယူကေအစိုးရအနေနဲ့ မြန်မာပြည်သူတွေရဲ့ ဒီမိုကရေစီမျှော်လင့်ချက်ကို ဆက်လက်ထောက်ပံ့သွားမှာဖြစ်သလို အကြမ်းဖက်မှုတွေ ရပ်တန့်ဖို့ကိုလည်း တောင်းဆိုထားပါတယ်။
ဒါ့အပြင် အကူအညီတွေ အပြည့်အဝရရှိရေးနဲ့ အားလုံးပါဝင်တဲ့ ဆွေးနွေးမှုတွေ ဖော်ဆောင်နိုင်ရေးကိုလည်း ဗြိတိသျှအစိုးရက ဆက်လက်တိုက်တွန်းနေတာ ဖြစ်ပါတယ်။
အကျဉ်းသားတွေရဲ့ သတင်းကို စိုးရိမ်စွာစောင့်မျှော်နေပြီး မြန်မာ့ငြိမ်းချမ်းရေးအတွက် ယူကေက ဆက်လက်ရပ်တည်သွားမယ်လို့လည်းဆိုပါတယ်။
