Border News Agency
အမေရိကန်၊ ဧပြီ ၂၃။
အမေရိကန်နဲ့ အီရန်ကြား တိုက်ရိုက်ဆွေးနွေးမှုတွေဟာ လာမယ့် ၃၆ နာရီကနေ ၇၂ နာရီအတွင်းမှာ ဖြစ်လာနိုင်ခြေရှိတယ်လို့ New York Post သတင်းစာက ဧပြီလ ၂၂ ရက်၊ မနေ့ကဖော်ပြပါတယ်။
သမ္မတထရန့်က အီရန်နဲ့ ဆွေးနွေးဖို့ အဆင်သင့်ရှိတယ်လို့ အရိပ်အမြွက်ပြောကြားခဲ့ပြီးနောက် အခုလိုသတင်းတွေ ထွက်ပေါ်လာတာဖြစ်လို့ နှစ်ဖက်တင်းမာမှုတွေ လျော့ကျသွားမလားဆိုတာ စိတ်ဝင်စားစရာ ဖြစ်နေပါတယ်။
လက်ရှိမှာတော့ ဟော်မုဇ်ရေလက်ကြား ပိတ်ဆို့မှုနဲ့ ပင်လယ်ပြင်မှာ သင်္ဘောတွေ ဖမ်းဆီးခံနေရတဲ့ ကိစ္စတွေကြောင့် ဒေသတွင်းမှာ စစ်ရေးအခြေအနေတွေ အလွန်တင်းမာနေတာပါ။
ဒီဆွေးနွေးပွဲသာ တကယ်ဖြစ်လာခဲ့ရင် နှစ်ဖက်အပစ်ရပ်ရေး သက်တမ်းတိုးဖို့နဲ့ ပင်လယ်ပြင် လုံခြုံရေးဆိုင်ရာ ကိစ္စရပ်တွေကို အဓိကထား ပြောဆိုကြလိမ့်မယ်လို့ ကျွမ်းကျင်သူတွေက ခန့်မှန်းထားပါတယ်။
အိမ်ဖြူတော်ဘက်ကတော့ ဒီသတင်းနဲ့ ပတ်သက်ပြီး တရားဝင်ထုတ်ပြန်တာမျိုး မရှိသေးပေမယ့် သံတမန်နည်းလမ်းအရ ကြိုးပမ်းမှုတွေ ရှိနေတာကတော့ အသေအချာပဲ ဖြစ်ပါတယ်။
