Border News Agency
ထိုင်း၊ဇွန် ၂၀။
ထိုင်းနိုင်ငံတောင်ပိုင်းရှိ ဖူးခက်၊ဖန်ငါ နဲ့ ကရာဘီသုံးပြည်နယ်မှာ နိုင်ငံခြားသားတွေက ထိုင်းနိုင်ငံသားအမည်ခံပြီး တ ရားမဝင် မြေယာနဲ့စီးပွားရေးလုပ်ငန်းတွေပိုင်ဆိုင်ထားတဲ့အမည်ခံကွန်ရက်တွေကို ဇွန်လ ၂၀ ရက်နေ့က ရဲအင် အားငါးရာကျော်နဲ့ဝင်ဖမ်းခဲ့ပါတယ်။
အဲဒီနိုင်ငံခြားသားကွန်ရက်တွေနှိမ်နင်းရေး အဆင့်သုံးစစ်ဆင်ရေးအရ အာ ဏာပိုင်တွေဟာ အမှုပတ်သက်နေတဲ့ ကုမ္ပဏီ ၇၇ ခုကို စစ်ဆေးခဲ့ပြီးနောက် တရားရုံးက ဖမ်းဝရမ်း ၅၉ ခုမှ ထိုင်း ၂၈ ဦး၊နိုင်ငံခြားသား ၃၁ ဦး နဲ့ ရှာဖွေဝရမ်း ၆၀ ခု ထုတ်ပြန်ကာ ပစ်မှတ် ၈၉ ခုကို ဝင်ရောက်စီးနင်းခဲ့တာ ဖြစ်ပါတယ်။
အဲဒီ စီးနင်းမှုအတွင်း စုစုပေါင်း မြေနေရာ ၄၉ ခုကျော်နဲ့ အဆောက်အအုံတွေအပါအဝင် ခန့်မှန်းခြေ ဘတ် ၁,၀၅၃ သန်းခန့်တန်ဖိုးရှိ ပိုင်ဆိုင်မှုတွေကို စစ်ဆေးတွေ့ရှိခဲ့ပြီး ဖူးခက်မှာ ဘတ် ၂၃၁ သန်း၊ ဖန်ငါမှာ ဘတ် ၂၃ သန်းနဲ့ ကရာဘီမှာ ဘတ် ၄၉၉ သန်းခန့် တန်ဖိုးရှိ ကုမ္ပဏီနဲ့ မြေယာပိုင်ဆိုင်မှုတွေ ပါဝင်နေပါတယ်။
အဲဒီပြင် ကရာဘီပြည်နယ်ရှိဖျော်ဖြေရေးလုပ်ငန်းတခုမှာ တောင်အာဖရိကနိုင်ငံသားတဦးနောက်ကွယ်ကထိန်းချုပ်ပြီး ထိုင်းနိုင်ငံသားအမည်ခံကာ လုပ်ကိုင်နေတဲ့အပြင် သေဆုံးသွားသူရဲ့ လက်မှတ်ကို အသုံးပြုပြီး ကုမ္ပဏီတရားမဝင် မှတ်ပုံတင်ထားတဲ့ ကွင်းဆက်ကိုပါ ရှာဖွေဖော်ထုတ်နိုင်ခဲ့ပါတယ်။
အဲဒီလိုဥပဒေချိုးဖောက်ကြောင်း စစ်ဆေးတွေ့ရှိရတဲ့ထိုင်းနိုင်ငံသား ၂၆ ဦးနဲ့ နိုင်ငံခြားသား ၁၂ ဦးကိုဖမ်းဆီးရမိထားပြီး ဥပဒေအရ ထိရောက်စွာ အရေးယူနိုင်ဖို့ သက်ဆိုင်ရာ ရဲစခန်းတွေသို့ လွှဲပြောင်းကာ ကွင်းဆက်တွေကို ဆက်စုံစမ်းနေတယ်လို့ဆိုပါတယ်။
