Border News Agency
မီဇိုရမ်၊သြဂုတ် ၁၂။
မြန်မာ-အိန္ဒိယနယ်စပ်၊ မီဇိုရမ်ပြည်နယ်၊ ဇိုခေါထာရ်မြို့အနီးဗန့်ကိုင်မှာ သြဂုတ်လ ၁၀ ရက်၊ ည ၇ နာရီခွဲအချိန်က မြန်မာနိုင်ငံသားနှစ်ဦးဆီကနေ ဘိန်းဖြူခြောက်ဆယ့်ငါးဂရမ်ကို ဇိုခေါထာရ်ရဲတပ်ဖွဲ့က ဖမ်းဆီးရမိခဲ့ပါတယ်။
မြန်မာဘက်မှဝင်လာတဲ့ ခေါမွေးရွာမှအသက်သုံးဆယ့်ရှစ်နှစ်အရွယ် Biakchawimuana နဲ့ အသက်သုံးဆယ့်ခြောက်နှစ်အရွယ် Rodinlian တို့ကို သံသယရှိလို့စစ်ဆေးရာမှာ သူတို့အိတ်ထဲကကာလတန်ဖိုးအိန္ဒိယရူပီး တဆယ့်နှစ်သိန်းကျော်တန်ဖိုးရှိဘိန်းဖြူတွေကို ရှာဖွေတွေ့ရှိခဲ့တာဖြစ်ပါတယ်။
အဲဒီအပြင်သူတို့သယ်ဆောင်လာတဲ့ Kenbo 125 မော်တော်ဆိုင်ကယ်တစီးနဲ့ ဖုန်းနှစ်လုံးကိုပါ ရဲတပ်ဖွဲ့ကသိမ်းဆည်းခဲ့ပါတယ်။
အဲဒီဘိန်းဖြူတွေကို ဇိုခေါထာရ်မှာနေထိုင်တဲ့ အသက်သုံးဆယ့်ခြောက်နှစ်အရွယ် Zirsangzeli ဆီပို့ပေးဖို့ ယူဆောင်လာတာဖြစ်လို့ သူ့ကိုလည်းဇိုခေါထာရ်ရှိ နေအိမ်မှာ သွားရောက်ဖမ်းဆီးခဲ့ပြီး ဖုန်းတလုံးကိုပါသိမ်းဆည်းခဲ့ပါတယ်။
အဲဒီဖမ်းဆီးရမိသူသုံးဦးကို ဇိုခေါထာရ်ရဲစခန်းက မူးယစ်ဆေးဝါးဥပဒေနဲ့ လူဝင်မှုကြီးကြပ်ရေးဥပဒေတို့နဲ့ အမှုဖွင့်အရေးယူထားပါတယ်။
