Border News Agency
မြောက်ဦး၊ သြဂုတ် ၁၁။
အာရက္ခအမျိုးသားပညာရေးဌာန၊ အဆင့်မြင့်ပညာရုံးအောက်ရှိ အာရက္ခအမျိုးသားတက္ကသိုလ်မှာ ၂၀၂၆-၂၀၂၇ ပညာသင်နှစ် B.A(Hons)/B.Sc(Hons) ဘွဲ့တွေအတွက် ပထမနှစ် (ဂုဏ်ထူးတန်း)သင်တန်းသားလျှောက်လွှာခေါ်နေပါတယ်။
အဲဒီသင်တန်းဟာ သုံးနှစ်ကြာ အချိန်ပြည့်တက်ရမှာဖြစ်ပြီး ဝိဇ္ဇာနဲ့သိပ္ပံအထူးပြုဘာသာရပ်အမျိုးအစားတွေသင်ပေးသွားမှာပါ။
တက္ကသိုလ်တခုခုမှာ သက်ဆိုင်ရာအထူးပြုဘာသာရပ်နဲ့ ဒုတိယနှစ်တက်ရောက်အောင်မြင်ပြီး ပထမနှစ်ဂုဏ်ထူးတန်းတက်ရောက်ဖို့ အဆင့်မီတဲ့အာရက္ခပြည်တွင်းနေ ဘယ်သူမဆိုလျှောက်နိုင်ပါတယ်။
အဲဒီပရိုဂရမ်ဟာဘွဲ့မရသေးတဲ့ ပထမနှစ်ဂုဏ်ထူးတန်းတက်မယ့်သူတွေအတွက်ဖြစ်ပြီး ဘွဲ့ရရှိပြီးသူတွေနဲ့ ဒုတိယနှစ်ဂုဏ်ထူးတန်း တက်ရောက်ခွင့်ရပြီးသူတွေလျှောက်ခွင့်မရှိပါဘူး။
အဲဒီလျှောက်လွှာတွေကို သက်ဆိုင်ရာမြို့နယ်ပညာရေးရုံးတွေမှာ အောက်တိုဘာလ ၁၅ ရက်နေ့ထိ ထုတ်ယူလျှောက်နိုင်ပြီး လျှောက်လွှာကြေး နှစ်ထောင်ကျပ်ပေးသွင်းရမှာပါ။
အဲဒီကျောင်းသွင်းရမယ့်ရက်၊ သင်တန်းတက်ရမယ့်နေရာနဲ့ အချိန်တွေကို လာမယ့်အောက်တိုဘာလ ၃၀ ရက်နေ့ သက်ဆိုင်ရာမြို့နယ်ပညာရေးရုံးတွေမှာ စုံစမ်းနိုင်ပါတယ်။
